Statement 298 Views

ယူကေနိုင်ငံခြားရေးဝန်ကြီးထံ အိတ်ဖွင့်ပေးစာ – မြန်မာနိုင်ငံသို့ လေယာဥ်ဆီတင်ပို့ရောင်းချရာတွင် ပါဝင်သည့် ကုမ္ပဏီအားလုံးကို အရေးယူပိတ်ဆို့ရန်

December 9th, 2022  •  Author:   550 Organizations  •  5 minute read
Featured image

သို့

The Honorable James Cleverly

Secretary of State for the Foreign, Commonwealth & Development Office
King Charles Street
London, SW1A 2AH
United Kingdom

 

၂၀၂၂ ခုနှစ် ဒီဇင်ဘာလ ၁၃ ရက်*

ယူကေနိုင်ငံခြားရေးဝန်ကြီးထံ အိတ်ဖွင့်ပေးစာ – မြန်မာနိုင်ငံသို့ လေယာဥ်ဆီတင်ပို့ရောင်းချရာတွင် ပါဝင်သည့် ကုမ္ပဏီအားလုံးကို အရေးယူပိတ်ဆို့ရန်

လေးစားရပါသော ဂုဏ်သရေရှိဝန်ကြီးမင်းရှင်/ခင်ဗျား

အောက်တွင်လက်မှတ်ရေးထိုးထားသော မိမိတို့ မြန်မာ၊ ဒေသတွင်းနှင့် နိုင်ငံတကာအဖွဲ့အစည်း ၅၅၀ ဖွဲ့ သည် အပြည်ပြည်ဆိုင်ရာ လူ့အခွင့်အရေးနေ့ကို အသိအမှတ်ပြုပြီး မြန်မာစစ်အုပ်စုကို ဆန့်ကျင်အံတုကာ ၎င်းတို့၏ ရပိုင်ခွင့်နှင့် ဒီမိုကရေစီကို ရဲရင့်စွာဆက်လက်ကာကွယ်နေကြသည့် မြန်မာပြည်သူများနှင့်အတူ သွေးစည်းညီညွတ်စွာ ရပ်တည်သည့်အနေဖြင့် မြန်မာစစ်အုပ်စုကို လေယာဥ်ဆီတင်ပို့ရောင်းချရာတွင် မည်သည့် ဗြိတိသျှကုမ္ပဏီမျှ တိုက်ရိုက်ဖြစ်စေ၊ သွယ်ဝိုက်၍ဖြစ်စေ ပါဝင်ခြင်းမရှိရေး ယူကေအစိုးရမှ ချက်ချင်းအရေးယူဆောင်ရွက်ပေးပါရန် တောင်းဆိုလိုက်သည်။ ထို့အပြင် မြန်မာစစ်အုပ်စု၏ ဆိုးရွားသော ရာဇဝတ်မှုများကို အဆုံးသတ်ရန် လူကြီးမင်းအနေဖြင့် ပိုမိုပြတ်သားပြင်းထန်သည့် လုပ်ဆောင်မှုများ ဆောင်ရွက်ရန်လည်း မိမိတို့မှ တောင်းဆိုသည်။

၂၀၂၁ ခုနှစ် ဖေဖော်ဝါရီလ ၁ ရက်နေ့တွင် မြန်မာစစ်တပ်မှ လုပ်ဆောင်ခဲ့သော တရားမဝင် အာဏာလုယူရေးကြိုးပမ်းမှုက နိုင်ငံတစ်ဝန်းတွင် ဆိုးရွားကြမ်းကြုတ်သော လူ့အခွင့်အရေးချိုးဖောက်မှုများ နှင့် ယခင်က တစ်ခါမျှမကြုံခဲ့ဖူးသော လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ အကျပ်အတည်းကို ဖြစ်ပေါ်စေခဲ့သည်။ စစ်အုပ်စု၏ အကြမ်းဖက်တိုက်ခိုက်မှုများ၊ အထူးသဖြင့် လေကြောင်းတိုက်ခိုက်မှုများကြောင့် လူပေါင်း ၂,၅၀၀ အသက်ဆုံးရှုံးရကာ နောက်ထပ်သော လူပေါင်း ၂.၅ သန်းကျော်ကိုလည်း အိုးအိမ်စွန့်ခွာထွက်ပြေးစေခဲ့သည်။ မြေပြင်ရှိ အမှန်တကယ်သော ပမာဏသည် ထို့ထက်များစွာ ပို၍များနိုင်သည်ကျောင်းများဆေးဘက်ဆိုင်ရာဝန်ဆောင်မှုဌာနများဘာသာရေးဆိုင်ရာ အဆောက်အဦးများ အပါအဝင် အရပ်သားများသည် လေကြောင်းတိုက်ခိုက်မှု၏ ပစ်မှတ်ထားခြင်းနှင့် ခြိမ်းခြောက်မှုကို အစဥ်တစိုက်ခံနေရသည့်အပြင် အသက်ဘေးအတွက်လည်း ထွက်ပြေးနေကြရသည်။

စစ်အုပ်စုသည် နိုင်ငံခြားကုမ္ပဏီများက တင်ပို့ရောင်းချပေးသော၊ ကြားဝင်အကျိုးဆောင်ပေးသော လေယာဥ်ဆီများကြောင့် ပြည်သူများအပေါ် လေကြောင်းတိုက်ခိုက်မှုများကို အရှိန်မြှင့်နိုင်ခြင်း ဖြစ်သည်။ နိုင်ငံခြားဆိပ်ကမ်းများမှ တင်ပို့သော လေယာဥ်ဆီရောင်းချမှု ကွင်းဆက်များသည် စစ်အုပ်စုက နေ့စဥ်ကျူးလွန်နေသည့် စစ်ရာဇဝတ်မှုများနှင့် တိုက်ရိုက်ချိတ်ဆက်နေသည်။ ဗြိတိသျှကုမ္ပဏီများသည် မြန်မာနိုင်ငံသို့ လေယာဥ်ဆီ တင်ပို့နေသည့် သင်္ဘောများကို အာမခံဝန်ဆောင်မှုပေးနေကြောင်း မိမိတို့မှ သိရှိရသည်။ ထိုတင်ပို့ရောင်းချမှု ကွင်းဆက်သာ ဆက်လက်လည်ပတ်ခွင့် ရနေမည်ဆိုပါက စစ်အုပ်စု၏ ရက်စက်ကြမ်းကြုတ်မှုများသည် နောက်ထပ်သော လူ့အသက်များစွာကို နုတ်ယူမည့်အပြင် ကြီးမားသည့် နေရပ်စွန့်ခွာထွက်ပြေးရမှုများ၏ အခြေအနေကိုလည်း ပိုမိုဆိုးရွားလာစေမည် ဖြစ်သည်။ စစ်အုပ်စု၏ မရေတွက်နိုင်သော စစ်ရာဇဝတ်မှုများနှင့် လူသားမျိုးနွယ်အပေါ်ဆန့်ကျင်သော ရာဇဝတ်မှုများသည် ၂၂ လ တိုင်သည်အထိ ကြမ်းတမ်းရမ်းကားခွင့် ဆက်လက်ရနေသည်။ ယခုအချိန်သည် နိုင်ငံတကာအသိုင်းအဝိုင်းမှ ဤအပြည်ပြည်ဆိုင်ရာရာဇဝတ်အဖွဲ့ထံ စီးဆင်းနေသော လက်နက်ခဲယမ်း တင်ပို့ရောင်းချမှုများကို ဖြတ်တောက်ရန် အလုံးစုံသောတားမြစ်ချက်ကို လုပ်ဆောင်ရမည့်အချိန် ဖြစ်သည်။

ဒီမိုကရေစီနှင့် လူ့အခွင့်အရေးတန်ဖိုးများအပေါ် ထားရှိသော ယူကေအစိုးရ၏ ကတိကဝတ်များကို မြန်မာနိုင်ငံ၏ ပိုမိုနက်ရှိုင်းလာနေသော အကျပ်အတည်းကို ဖြေရှင်းရန် လူကြီးမင်းက ထိရောက်ပြီး အဓိပ္ပာယ်ရှိသည့် တုံ့ပြန်ဆောင်ရွက်မှုများဖြင့် ထင်ဟပ်ပြသရမည် ဖြစ်သည်။ စစ်ရာဇဝတ်ကောင်များနှင့် စစ်အုပ်စုနှင့်ဆက်စပ်သည့် စီးပွားရေးလုပ်ငန်းများအပေါ် အရေးယူပိတ်ဆို့ခြင်း အပါအဝင် မြန်မာပြည်သူ များ၏ ရပိုင်ခွင့်များကို ကာကွယ်ရန် တရားမဝင်သော အာဏာလုယူရေးကြိုးပမ်းမှု အဆုံးသတ်ရေး လုပ်ဆောင်သော ပြည်သူလူထု၏ ကြိုးပမ်းအားထုတ်မှုများကို ပံ့ပိုးသည့် ယူကေအစိုးရ၏ ယခင် လုပ်ဆောင်ချက်များနှင့် မြန်မာပြည်သူများအား တရားဝင်ကိုယ်စားပြုသော အမျိုးသားညီညွတ်ရေး အစိုးရ၏ရုံးကို လူကြီးမင်း၏နိုင်ငံ၌ ဖွင့်လှစ်ရာတွင် အားပေးထောက်ခံခဲ့မှု တို့ကို မိမိတို့မှ အသိအမှတ်ပြုသည်။ ထို့အပြင် နိုင်ငံတကာတရားရုံး (ICJ) တွင် မြန်မာနိုင်ငံအား တရားစွဲဆိုထားသည့် ဂမ်ဘီယာ၏အမှု၌ နောက်ကျမှဖြစ်သော်လည်း ပါဝင်လာသော ယူကေအစိုးရ၏ ထောက်ခံရပ်တည်မှု ကိုလည်း မိမိတို့မှ ကြိုဆိုသည်။ သို့သော် မြန်မာနိုင်ငံအတွင်း ဖြစ်ပွားနေသော လေကြောင်း တိုက်ခိုက်မှုများနှင့် ရက်စက်ကြမ်းကြုတ်မှုများကို အဆုံးသတ်ရန် ယခုထက် ပိုမိုပြတ်သားပြီး လက်တွေ့ကျသည့် လုပ်ဆောင်မှုများ အရေးပေါ် လိုအပ်နေလျက်ရှိသည်။ ပဋိပက္ခနှင့်ဆက်စပ်သည့် လိင်စိတ်ခံယူမှုကွဲပြားမှုအပေါ် အခြေခံသော အကြမ်းဖက်မှုများကို ကိုင်တွယ်ဖြေရှင်းမည်ဟူသည့် လူကြီးမင်းအစိုးရ၏ ကတိသည်လည်း မြန်မာနိုင်ငံ၏ အကျပ်အတည်းအတွင်းရှိ အမျိုးသမီးများနှင့် မိန်းကလေးငယ်များကို ဦးစားပေးရမည် ဖြစ်သည်။

လူကြီးမင်းအနေဖြင့် စစ်အုပ်စုထံ လေယာဥ်ဆီတင်ပို့ရောင်းချရာတွင် ပါဝင်သည့် မြန်မာကုမ္ပဏီများ နှင့် နိုင်ငံပိုင်လုပ်ငန်းများအပေါ် ချက်ချင်းဒဏ်ခတ် အရေးယူပိတ်ဆို့ပေးပါရန် မိမိတို့မှ အလေးအနက် ပန်ကြားသည်။ ထို့အပြင် မြန်မာနိုင်ငံသို့ လေယာဥ်ဆီတင်ပို့ရောင်းချခြင်းတွင် မည်သည့်အပိုင်းကမဆို ပါဝင်နေသည့် ဗြိတိသျှကုမ္ပဏီများကိုလည်း ချက်ချင်းအရေးယူပိတ်ဆို့ရန် မိမိတို့မှ တောင်းဆိုသည်။ မြန်မာနိုင်ငံသို့ လေယာဥ်ဆီ တင်ပို့ရောင်းချမှုကို ယူကေအစိုးရက အသေအချာ ပိတ်ဆို့အရေးယူရန် အလွန့်အလွန်အရေးကြီးသည်။ ထိုပိတ်ဆို့အရေးယူမှုများထဲတွင် မြန်မာနိုင်ငံသို့ လေယာဥ်ဆီတင်ပို့ရာ၌ အသုံးပြုနေသည့် သင်္ဘောများနှင့် အခြေခံအဆောက်အအုံများအတွက် အာမခံပေးသည့် ကုမ္ပဏီများ၊ အသိအမှတ်ပြုခြင်းနှင့် စိစစ်အတည်ပြုခြင်း စသည့် ဝန်ဆောင်မှုများ ဆောင်ရွက်ခြင်းတို့လည်း အကျုံးဝင်ရမည်။ မြန်မာစစ်အုပ်စုသည် တင်ပို့ရောင်းချသူများထံမှ စီးပွားရေးသုံးအဆင့် လေယာဥ်ဆီများကို ယခင်က သိမ်းဆည်းခဲ့ဖူးသည့်အတွက် မြန်မာနိုင်ငံသို့ လေယာဥ်ဆီတင်ပို့ရောင်းချမှုကို အလုံးစုံတားမြစ်ရန် မဖြစ်မနေအရေးကြီးသည်ဟု မိမိတို့မှ ယုံကြည်သည်။

ယနေ့အချိန်ထိ အရေးယူပိတ်ဆို့မှုများ ချမှတ်ရာတွင် ပူးပေါင်းညှိနှိုင်းဆောင်ရွက်ရေးအတွက် ကြိုးစားအားထုတ်နေသည့် ယူကေအစိုးရ၏ အခန်းကဏ္ဍကို မိမိတို့က ကြိုဆိုထောက်ခံသည်။ မြန်မာအပေါ် လေယာဥ်ဆီတင်ပို့ရောင်းချမှု တားမြစ်ရေး လုပ်ဆောင်ရွာတွင် သြစတြေးလျ၊ ကနေဒါ၊ အမေရိကန် ပြည်ထောင်စုနှင့် ဥရောပသမဂ္ဂ တို့ကဲ့သို့သော မဟာမိတ်များမှ ပူးပေါင်းဆောင်ရွက်လာစေရေး ယူကေအနေဖြင့် တိုက်တွန်းရန်လည်း မိမိတို့မှ မေတ္တာရပ်ခံသည်။ လေယာဥ်ဆီ တင်ပို့ရောင်းချမှုကို အလုံးစုံတားမြစ်လိုက်ပါက စီးပွားဖြစ်ပျံသန်းနေသည့် ပြည်တွင်းလေကြောင်းခရီးများအပေါ် သက်ရောက်မှု ရှိမည်ကို မြန်မာအရပ်ဘက်လူထုအဖွဲ့အစည်းများဖြစ်သော မိမိတို့မှ သဘောပေါက်နားလည်ပါသည်။ သို့သော် ရက်စက်ကြမ်းကြုတ်သည့် လေကြောင်းတိုက်ခိုက်မှုများ လျှော့ချနိုင်မှုကြောင့် ရရှိလာမည့် လူသားချင်းစာနာထောက်ထားမှုဆိုင်ရာ အကျိုးအမြတ်သည် လေယာဥ်ဆီ တင်ပို့ရောင်းချမှု ပိတ်ပင်ခြင်းကြောင့် ဖြစ်လာမည့် မည်သည့်အဆင်မပြေမှုများထက်မဆို ပို၍သာလွန်ကောင်းမွန်မည်ဟု မိမိတို့မှ ယုံကြည်သည်။

နောက်ဆုံးအနေဖြင့် မြန်မာနိုင်ငံအပေါ် အလုံးစုံသော ကမ္ဘာလုံးဆိုင်ရာ လက်နက်ခဲယမ်း တင်ပို့ရောင်းချမှု တားမြစ်ပိတ်ပင်သည့် ဆုံးဖြတ်ချက်တစ်ရပ် ကုလသမဂ္ဂလုံခြုံရေးကောင်စီတွင် ချမှတ်ပြဌာန်းနိုင်ရေး လုပ်ဆာင်ရန် ယူကေအစိုးရကို မိမိတို့မှ ယုံကြည်စွာအပ်နှင်းသည်။ ယင်းဆုံးဖြတ်ချက်တွင် လက်နက်၊ ခဲယမ်းနှင့် ကိရိယာများအပြင် စစ်ဘက်သင်တန်းနှင့် အကူအညီများ အားလုံးအပေါ် အကျုံးဝင်သည့် တားမြစ်ပိတ်ပင်မှု ဖြစ်ရမည် ဖြစ်သည်။

လူ့အခွင့်အရေးနှင့် တရားမျှတမှုကို လေးစားလိုက်နာသည့် ဖက်ဒရယ်ဒီမိုကရေစီ နိုင်ငံတစ်ခု ဖြစ်ပေါ်လာရေးအတွက် မြန်မာပြည်သူများက ၎င်းတို့၏ အသက်အိုးအိမ်များနှင့် အနာဂတ်ကို စတေးနေကြခြင်းဖြစ်ရာ ယူကေအစိုးရအနေဖြင့် တရားမဝင် စစ်အုပ်စုမှ နေ့စဥ်နှင့်အမျှ ကျူးလွန်နေသည့် ရက်စက်ကြမ်းကြုတ်မှုများ ရပ်တန့်နိုင်ရန်နှင့် မြန်မာပြည်သူများ၏ ဘဝများကို ကာကွယ်ပေးရန်အတွက် ရနိုင်သမျှသော လက်နက်ကိရိယာအားလုံးကို အဆုံးစွန်ထိ အသုံးပြုလုပ်ဆောင်ရမည် ဖြစ်သည်။

ထပ်မံသိရှိလိုပါက ဆက်သွယ်ရန်

ဤအိတ်ဖွင့်ပေးစာကို အမည်မဖော်ပြလိုသည့် အဖွဲ့အစည်း ၃၁၄ ဖွဲ့ အပါအဝင် မြန်မာ၊ ဒေသတွင်းနှင့် နိုင်ငံတကာအဖွဲ့အစည်း စုစုပေါင်း  ၅၅၀* ဖွဲ့က လက်မှတ်ရေးထိုးတောင်းဆိုခြင်း ဖြစ်သည်။

*ဤအိတ်ဖွင့်ပေးစာတွင် ပါဝင်ထောက်ခံထားသော အဖွဲ့အစည်းများစာရင်းကို ၂၀၂၂ခုနှစ်၊ ဒီဇင်ဘာလ ၁၃ ရက်နေ့တွင် update ပြန်လုပ်ထားပါသည်။

  1. 8888 Generation (New Zealand)
  2. Action Committee for Democracy Development (Coalition of 14 grassroots networks)
  3. Active Youths Kalaymyo
  4. Ah Nah Podcast – Conversations with Myanmar
  5. Albany Karen Community
  6. All Burma Democratic Front in New Zealand
  7. All Burma Student Democratic Front (ABSDF) – Australia Branch
  8. All Young Burmese League (AYBL)
  9. Alliance for Democracy in Myanmar (Western USA)
  10. Alliance for FREE Burma Solidarity
  11. ALTSEAN-Burma
  12. Anti-Junta Forces Coordination Committee – Mandalay (AFCC)
  13. Anyar Taw Eain
  14. ASEAN Parliamentarians for Human Rights
  15. Asia Pacific Solidarity Coalition (APSOC)
  16. Asian Cultural Forum on Development Foundation (ACFOD)
  17. Asian Democracy Network (ADN)
  18. Assistance Association for Political Prisoners
  19. Association of Human Rights Defenders and Promoters
  20. Association Suisse-Birmanie
  21. Auckland Kachin Community NZ
  22. Auckland Zomi Community
  23. Australia Chin Communities Council Inc.
  24. Australian Karen Organisation (AKO)
  25. Ayeyarwaddy Journalist Society (AJS)
  26. Ayeyarwaddy West Development Organization (Magway Region)
  27. Ayeyarwaddy Youth Network
  28. Back Pack Health Worker Team
  29. Blood Money Campaign
  30. Burma Action Ireland
  31. Burma Campaign UK
  32. Burma Human Rights Network (BHRN)
  33. Burma Lawyer Council (BLC)
  34. Burma Medical Association
  35. Burman suomalaiset Finland
  36. Burmese American Democratic Alliance (BADA)
  37. Burmese Community Development Collaboration (BCDC)
  38. Burmese Community Group (Manawatu, NZ)
  39. Burmese Community Support Group (BCSG)
  40. Burmese Medical Association Australia (BMAA)
  41. Burmese Muslim Association (BMA)
  42. Burmese Rohingya Organisation UK
  43. Burmese Rohingya Welfare Organization New Zealand
  44. Cambodian Americans and Friends for Democracy and Human Rights Advocates
  45. Campaign for Popular Democracy (CPD)
  46. CDM Support Team Mandalay (CSTM)
  47. Chin Community of Auckland
  48. Chin Human Rights Organization
  49. Civil Information Network – CIN
  50. CRPH & NUG Supporters Ireland
  51. CRPH Funding Ireland
  52. Dawei Development Association
  53. Delta News Agency
  54. Dhanu Youth Organization
  55. Doh Atu – Ensemble pour le Myanmar
  56. Dooplaya Karen Community Development Group (DKCDG)
  57. Educational Initiatives Prague
  58. Ethnic Myanmar Communities Council of Australia Inc.
  59. European Karen Network (EKN)
  60. European Rohingya Council
  61. Federal FM Mandalay
  62. Federal Myanmar Benevolence Group (NZ)
  63. Food Not Bombs Kawthoolei လှုပ်ရှားမှု အဖွဲ့
  64. Foundation of Khmer Samaki, USA
  65. Free Rohingya Coalition
  66. Freedom and Labor Action Group
  67. Future Light Center
  68. Future Thanlwin
  69. General Strike Coordination Body
  70. Generation Wave
  71. Grass-root People
  72. Human Rights and Development Foundation (HRDF), Thailand
  73. Human Rights Educators Network
  74. Human Rights Foundation of Monland
  75. India For Myanmar
  76. Industrial Training Centre (ITC) Family Sydney
  77. Info Birmanie
  78. Initiatives for International Dialogue
  79. Inlihtan Peninsula Tenasserim
  80. Institute for Asian Democracy
  81. Inter Pares
  82. International Association, Myanmar-Switzerland (IAMS)
  83. International Trade Union Confederation (ITUC)
  84. Justice 4 Rohingya UK
  85. Justice For Myanmar
  86. Kachin Association Australia (KAA)
  87. Kachin National Youth Network – KNYN
  88. Kachin State Civilian Movement- KSCM
  89. Kachin Women’s Association Thailand
  90. Karen Community Association UK
  91. Karen Community in Norway (KCN)
  92. Karen Community of North Carolina
  93. Karen Community of Syracuse
  94. Karen Human Rights Group
  95. Karen Organization of America
  96. Karen Peace Support Network
  97. Karen Society of Buffalo
  98. Karen Swedish Community (KSC)
  99. Karen Women’s Organization
  100. Karenni National Women’s Organization
  101. Karenni Society Finland
  102. Karenni Society New Zealand
  103. Keng Tung Youth
  104. Kyaukse University Students’ Union – KUSU
  105. Laiza Youth Committee
  106. Let’s Help Each Other
  107. LGBTIQ Strike of Mandalay
  108. Los Angeles Myanmar Movement (LA2M)
  109. Mandalay Regional Youth Association
  110. Mandalay Youth Association
  111. Matu Chin Community – NSW/UPU Chin Association
  112. MeBoun Foundation
  113. Medical Family Mandalay (MFM)
  114. Metta Campaign Mandalay
  115. MIIT Student Strike Column
  116. Minbu Farmer Group
  117. Mindat Chin Community NSW
  118. Minhla Development Organization
  119. Mon National Council (MNC)
  120. Monywa Peoples’ Strike Steering Committee
  121. Mwetaung Area Development Group (MADG) Chin State
  122. Myanmar Action Group Denmark
  123. Myanmar anti-military coup movement in New Zealand
  124. Myanmar Campaign Network (Australia)
  125. Myanmar Community Coffs Harbour (MCC)
  126. Myanmar Community Group Christchurch New Zealand
  127. Myanmar Community Group Dunedin New Zealand
  128. Myanmar Cultural Research Society (MCRS)
  129. Myanmar Diaspora Group Finland
  130. Myanmar Engineering Association of Australia (MEAA)
  131. Myanmar Engineers – New Zealand
  132. Myanmar Gonye (New Zealand)
  133. Myanmar People Alliance (Shan State)
  134. Myanmar Professionals Association Australia (MPAA)
  135. Myanmar Students’ Union in New Zealand
  136. Myaung Education Network
  137. Myaung Medical Team
  138. Naphe Development Organization
  139. Nelson Myanmar Community Group New Zealand
  140. Netherlands-Myanmar Solidarity Platform
  141. Network for Human Rights Documentation Burma (ND-Burma)
  142. New Rehmonnya Federated Force (NRFF)
  143. New Zealand Doctors for NUG
  144. New Zealand Karen Association
  145. New Zealand Zo Community Inc.
  146. NLD Solidarity Association (NSW chapter)
  147. NSW Karenni (Kayah) Communities
  148. Nway Oo Guru Lay Myar
  149. Overseas Mon Association, New Zealand
  150. Pakokku Youth Development Council
  151. Progressive Voice
  152. Pwintphu Development Organization (Magway Region)
  153. Pyithu Gonye (New Zealand)
  154. Rohingya Action Ireland
  155. Rvwang Community Association New Zealand
  156. Save and Care Organization for Ethnic Women at Border Areas
  157. Save Myanmar Fundraising Group (New Zealand)
  158. Sea Junction
  159. Shan Community (New Zealand)
  160. Shan MATA
  161. Sisters 2 Sisters
  162. Social Democracy Think Tank, Thailand
  163. Southern Youth Development Organization
  164. Swedish Burma Committee
  165. Sydney Friends for Myanmar Unity
  166. Synergy Social Harmony Organization
  167. Ta’ang Students and Youth Union
  168. Ta’ang Women’s Organization
  169. Tamar Institute
  170. Tanintharyi MATA
  171. Thai Action Committee for Democracy in Burma (TACDB)
  172. The Free Burma Campaign (South Africa)
  173. The Ladies
  174. U.S. Campaign for Burma
  175. Union for Civil Liberty Association
  176. Unitarian Universalist Service Committee
  177. Universities Kachin Literature and Culture Association Yangon (Yangon JLH)
  178. Utica Karen Organization
  179. Victoria Myanmar Youth
  180. We Pledge CDM (Australia)
  181. White Coat Society Yangon
  182. Women Advocacy Coalition Myanmar (WAC-M)
  183. Women’s League of Burma
  184. Women’s Peace Network
  185. Yangon Medical Network
  186. Young People for Social Democracy Movement, Thailand
  187. Youths for Community-Myaung
  188. Zo Community Australia Inc.
  189. Zomi Association Australia Inc.
  190. ကျန်းမာရေးမိသားစု – မန္တလေး
  191. ချမ်းမြသာစည်မြို့နယ် လူထုသပိတ်စစ်ကြောင်း
  192. ခုနှစ်စဥ်ကြယ် အဖွဲ့
  193. စိန်ပန်း သပိတ်စစ်ကြောင်း
  194. ဆီသို့ စာစဉ်
  195. တကသကျောင်းသားဟောင်းများအင်အားစု
  196. တမ္ပဝတီ လူထုသပိတ်စစ်ကြောင်း
  197. တိုက်ကွမ်ဒို အားကစားအသင်း
  198. တိုင်းရင်းသားလူငယ်များ အထွေထွေသပိတ်ကော်မတီ
  199. ဒို့မြေကွန်ရက် (LIOH)
  200. ဒေါင်းစစ်သည်
  201. ဒေါင်းတမန် စာစဉ်
  202. နွေဦးခရီးသည်
  203. ပညာရေးမိသားစု (စစ်အာဏာရှင်ဆန့်ကျင်ရေး ပညာရေးစစ်ကြောင်းများ ချိတ်ဆက်ညှိနှိုင်းရေးကော်မတီ)
  204. ပြည်ကြီးတံခွန်သပိတ်
  205. ပွင့်ဖြူလယ်ယာမြေကွန်ရက်
  206. ပုဂ္ဂလိက မူကြိုဆရာ၊ ဆရာမများအဖွဲ့
  207. ဘာသာပေါင်းစုံ သပိတ်စစ်ကြောင်း
  208. ဘုရားကြီး ငြိမ်းချမ်းရေးသပိတ်စစ်ကြောင်း
  209. မကွေး CDM Network
  210. မကွေးလူထုတိုက်ပွဲကော်မတီ
  211. မန္တလာတက္ကသိုလ် ကျောင်းသားကျောင်းသူများသပိတ်စစ်ကြောင်း
  212. မန္တလေး ကုန်စည်ဒိုင်သပိတ်စစ်ကြောင်း
  213. မန္တလေး၊ တက္ကသိုလ် ဒီဂရီ၊ ကောလိပ် ဆရာ၊ ဆရာမများ၊ ဝန်ထမ်းများ သပိတ်စစ်ကြောင်း
  214. မန္တလေးတက္ကသိုလ် ကျောင်းသား ကျောင်းသူဟောင်းများ သပိတ်စစ်ကြောင်း
  215. မန္တလေးမြို့အခြေစိုက် လူထုသပိတ်စစ်ကြောင်း
  216. မန္တလေးမဟာမိတ် သပိတ်တပ်ပေါင်းစုစစ်ကြောင်း
  217. မန္တလေးလူငယ် သပိတ်စစ်ကြောင်း
  218. မန္တလေးအင်ဂျင်နီယာ တပ်ပေါင်းစု
  219. မန္တလေးအင်ဂျင်နီယာများအဖွဲ့
  220. မန္တလေးအရပ်ဖက်အဖွဲ့အစည်းများ
  221. မြစ်ကွေ့ – လူထုတော်လှန်ရေးစာစဉ်
  222. မြတောင် သပိတ်စစ်ကြောင်း
  223. မြန်မာ့မီးရထား တိုင်းအမှတ် (၃) CDM ဝန်ထမ်းများ သပိတ်စစ်ကြောင်း
  224. မွတ်စ်လင်မ်လူငယ်များအဖွဲ့
  225. မဟာအောင်မြေမြို့နယ် စုပေါင်းလူထုသပိတ်စစ်ကြောင်း
  226. မီးဒုတ် စာစဉ်
  227. ယင်းမာပင်-ဆားလင်းကြီး ကျေးရွာပေါင်းစုံ လူထုသပိတ် ဦးဆောင်ကော်မတီ
  228. ရွှေပြည်သာသပိတ်ကော်မတီ
  229. သံဃသမဂ္ဂ သပိတ်စစ်ကြောင်း
  230. သပြေညို သတင်းလွှာ
  231. သမဝါယမတက္ကသိုလ် ကျောင်းသူ၊ ကျောင်းသားများ သပိတ်စစ်ကြောင်း
  232. အ.ထ.က (၇) ကျောင်းသူ၊ ကျောင်းသားဟောင်းများ သပိတ်စစ်ကြောင်း
  233. အ.လ.က (၁၂) ထခွဲ၊ အခြေခံပညာကျောင်းသားများသမဂ္ဂ (အ.က.သ)
  234. အဖမ်းဆီးခံပြည်သူများ ကိုယ်စားပြုသပိတ်စစ်ကြောင်း
  235. အောင်ပင်လယ် ပင်မသပိတ်စစ်ကြောင်း
  236. အောင်မြေသာစံ ပညာရေးကျောင်းပေါင်းစုံ သပိတ်စစ်ကြောင်း

PDF ရယူရန် – မြန်မာဘာသာအင်္ဂလိပ်ဘာသာ 

အင်္ဂလိပ်ဘာသာဖြင့်ဖတ်ရှုရန်