Statement 2560 Views

ကုလသမဂ္ဂအေဂျင်စီများအနေဖြင့် ၎င်းတို့၏ လူ့အခွင့်အရေးဆိုင်ရာ တာဝန်ဝတ္တရားများကို လိုက်နာစောင့်ထိန်းပြီး မြန်မာစစ်အုပ်စုအား တရားဝင်မှုရစေရန် လုပ်ဆောင်နေခြင်းများကို ရပ်တန့်ရမည်

December 10th, 2021  •  Author:   256 Civil Society Organizations  •  7 minute read
Featured image

၂၀၂၁ ခုနှစ် ဒီဇင်ဘာလ ၁၀ ရက်နေ့

အောက်တွင် လက်မှတ်ရေးထိုးထားသော အရပ်ဘက်လူထုအဖွဲ့အစည်း ၂၅၆ ဖွဲ့က  တရားမဝင်၊ လူသတ်သမား မြန်မာစစ်အုပ်စုအား တရားဝင်မှု ရစေမည့် ပူးပေါင်းဆောင်ရွက်မှု ပုံစံအားလုံးကို ကုလသမဂ္ဂ၏ အေဂျင်စီများ၊ ရန်ပုံငွေထောက်ပံ့မှုများ၊ ဖရိုဂရမ်များနှင့် တခြားအစိတ်အပိုင်းများ အားလုံးအနေဖြင့် ရပ်တန့်ရန် တောင်းဆိုလိုက်သည်။ ဤအထဲတွင် စစ်အုပ်စုမှ မြန်မာပြည်သူလူထုတစ်ရပ်လုံးအပေါ် ရက်စက်စွာဖြင့် ကြီးမားသော ဒုက္ခဆင်းရဲများ ကျရောက်စေရန် ဆက်လက်ကျူးလွန်လုပ်ဆောင်နေသည့်အပြင် နဂိုရှိနှင့်နေသည့် ဆိုးရွားသော လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ  အကျပ်အတည်း အခြေအနေများ ကိုလည်း ပိုမိုဆိုးရွားလာစေသောကြောင့် စစ်အုပ်စုနှင့် နားလည်မှုစာချွန်လွှာ (MoU) လက်မှတ်ထိုးခြင်းနှင့် စစ်အုပ်စု၏ ကိုယ်စားလှယ်များအား နိုင်ငံတကာအစည်းအဝေးများသို့ တက်ရောက်ရန် ဖိတ်ကြားခြင်းများ လုံးဝမလုပ်ဆောင်ရန် တို့ပါ၀င်သည်။

ကုလသမဂ္ဂအေဂျင်စီများသည် MoU များ လက်မှတ်ရေးထိုးခြင်းနှင့် တခြားသောပုံစံများဖြင့် ပူးပေါင်း ဆောင်ရွက်မှုများ လုပ်ဆောင်ခြင်းမှတစ်ဆင့် စစ်အုပ်စုအား တရားဝင်မှုရစေခြင်းနှင့် ၎င်း၏ ဝါဒဖြန့်ချိရေး ယန္တရားအား ထောက်ကူအားပေးသော နေရာကို ပံ့ပိုးပေးနေသည်။ MoU တစ်ခု လက်မှတ်ရေးထိုးခြင်းမှတစ်ဆင့် စစ်အုပ်စုနှင့် မိတ်ဖွဲ့ခြင်းက ကုလသမဂ္ဂ၏ လူ့အခွင့်အရေး ကာကွယ် မြှင့်တင်နိုင်စွမ်းကို အထိခိုက်ခံပြီး  အလျော့အတင်း လုပ်နေခြင်းသည် စစ်အုပ်စုမှ ၎င်း၏ ကြီးများကျယ်ပြန့်သော လူ့အခွင့်အရေး ချိုးဖောက်မှုများကို ဆက်လက်ကျူးလွန်စေရန် ပိုမိုအတင့်ရဲစေခြင်းအပြင် ၎င်းတို့၏ သူရဲဘောကြောင်သော နိုင်ငံရေးနှင့် စစ်ရေး ရည်မှန်းချက်များ အထမြောက်စေရေးအတွက် ဩဇာအရှိန်အဝါတစ်ခု အပ်နှင်းပေးလိုက်သလို ဖြစ်စေပါသည်။

မကြာသေးမီအချိန်က ကုလသမဂ္ဂတွင် စစ်အုပ်စုဘက်မှ လျှောက်ထားသော ကိုယ်စားလှယ်အား ပယ်ချလိုက်သည့်  ကုလသမဂ္ဂအထွေထွေညီလာခံ (UNGA) ၏ ဆုံးဖြတ်ချက်သည် စစ်အုပ်စုက မြန်မာနိုင်ငံအား ကိုယ်စားမပြုကြောင်းကို ကမ္ဘာ့အုပ်ချုပ်ရေးယန္တရား အဖွဲ့အစည်းတစ်ခုက အတည်ပြုလိုက်ခြင်းပင် ဖြစ်သည်။ သို့ဖြင့် အမျိုးသားညီညွတ်ရေးအစိုးရ (NUG) မှ ခန့်အပ်သော လက်ရှိကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦကျော်မိုးထွန်းမှ တင်သွင်းသော ကိုယ်စားလှယ်များကို ကုလသမဂ္ဂအေဂျင်စီများက ၎င်းတို့၏ အဖွဲ့အစည်းအစိတ်အပိုင်းများ အားလုံးတွင်သာမက ၎င်းတို့နှင့် ဆက်စပ်သော ဖိုရမ်များနှင့် အစည်းအဝေးများတွင် မြန်မာနိုင်ငံ ကိုယ်စားပြု တက်ရောက်ရန် လက်ခံရမည် ဖြစ်သည်။

ထိန့်လန့်အံ့သြဖွယ်ကောင်းသည်မှာ နိုဝင်ဘာလ ၂၇ ရက်နေ့တွင် ကုလသမဂ္ဂ ဖွံ့ဖြိုးရေးအစီအစဉ် (UNDP) က ပူးတွဲစီစဉ်ကျင်းပသော အွန်လိုင်းအစည်းအဝေးတစ်ခုကို စစ်အုပ်စုမှ တက်ရောက်စေခဲ့ခြင်းပင် ဖြစ်သည်။ တခြားသော ကုလသမဂ္ဂအေဂျင်စီများ ပြုလုပ်သော  “ITU Digital World 2021”၊ UNWTO အဖွဲ့၏ The Future of World Tourism Summit–Ministerial Debate နှင့်  UNEP အဖွဲ့၏ United Nations Biodiversity Conference တို့အပါအဝင် ထိပ်သီးဆွေးနွေးပွဲများ၊ အစည်းအဝေးများနှင့် ပွဲများကိုလည်း စစ်အုပ်စုကို ပါ၀င်တက်ရောက် စေခဲ့သည်။

ကုလသမဂ္ဂပဋိညာဉ်စာတမ်းတွင် ကုလသမဂ္ဂအေဂျင်စီများ၊ ရန်ပုံငွေထောက်ပံ့မှုများနှင့် ဖရိုဂရမ်များသည် လူ့အခွင့်အရေးကို အဓိကမဏ္ဍိုင်တစ်ရပ်အဖြစ် ရပ်တည်ကိုင်စွဲရမည်ဟု ဖော်ပြထားသည်။ ထို့ကြောင့် ကုလသမဂ္ဂအနေဖြင့် ၎င်းတို့၏ လုပ်ငန်းများကို “လက်လှမ်းမီ” လုပ်ကိုင်နိုင်ရေးအတွက် လူ့အခွင့်အရေးများကို ချနှင်းပြီး စစ်အုပ်စု၏ အလိုကို ဖြည့်ဆည်းပေးသည့် မိစ္ဆာနှင့်ပူးပေါင်းဆောင်ရွက်ခြင်းများ လုံး၀မရှိစေရေး လုပ်ဆောင်ရမည်။ အပြည်ပြည်ဆိုင်ရာလူ့အခွင့်အရေးကြေညာစာတမ်း (UDHR) သည် ကုလသမဂ္ဂ၏ လုပ်ငန်းအစီအစဉ်များအားလုံးတွင် လူ့အခွင့်အရေးကို အခြေခံပြီး ချဉ်းကပ်လုပ်ဆောင်ရမည့် လမ်းညွှန်ဖြစ်သကဲ့သို့ အထွေထွေအတွင်းရေးမှူးချူပ်အနေဖြင့်လည်း လုပ်ငန်းဆောင်ရွက်မှုများအားလုံး၏ ဗဟိုချက်ဖြစ်သည့် လူ့အခွင့်အရေးကို  မထိခိုက်စေရေး ကြိုးပမ်းကာကွယ်ခြင်း (human rights due diligence) နှင့် မည်သူမျှ ထိခိုက်နစ်နာမှု မရှိစေရေး (do no harm) မူ တို့ကို လိုက်နာဆောင်ရွက်ရန် တိုက်တွန်းတောင်းဆိုခဲ့ပြီး ဖြစ်သည်။ သို့ဖြင့် အထွေထွေအတွင်းရေးမှူးချုပ်၏ “လူ့အခွင့်အရေးအတွက် လှုပ်ရှားကြရန် တောင်းဆိုမှု” နှင့်အညီ မြန်မာပြည်သူလူထု၏ အခွင့်အရေးများကို လေးစားလိုက်နာ ကာကွယ် စောင့်ရှောက်ရေး အာမခံရန် အလွန်ပင် အရေးကြီးသည်။

စစ်အုပ်စုသည် မြန်မာနိုင်ငံ၏ဥပဒေအရ အကြမ်းဖက်အဖွဲ့အစည်းတစ်ခုအဖြစ် သတ်မှတ်ခံထားရပြီး နိုင်ငံတကာ မြန်မာ့အရေးကျွမ်းကျင်သူများမှ သတ်မှတ်ထားသည့် အကြမ်းဖက်မှုလုပ်ရပ်များကိုလည်း နေ့စဉ်နှင့်အမျှ ကျူးလွန်နေသည်။ ၂၀၂၁ ခုနှစ် ဖေဖေါ်ဝါရီလ ၁ ရက်နေ့ အာဏာသိမ်းရန် ကြိုးပမ်းသည့် အချိန်မှစ၍ မြန်မာစစ်အုပ်စုသည် ကလေးသူငယ်ဦး‌ရေ အနည်းဆုံး ၁၀၀ အပါအဝင် အရပ်သားပြည်သူအားလုံးပေါင်း ၁,၃၀၃ ဦးကျော်ကို သတ်ဖြတ်ခဲ့ပြီး  အရပ်သားပြည်သူ ၁၀,၇၂၇ ဦးကိုလည်း ဖမ်းဆီးခဲ့သည်။ စက်တင်ဘာလမှစ၍ မြန်မာစစ်တပ်သည် ချင်းပြည်နယ်ရှိ ထန်တလန်မြို့ကို လက်နက်ကြီးများဖြင့် ရက်စက်ကြမ်းကြုတ်စွာ စနစ်တကျ ပစ်ခတ်ခြင်းများနှင့် မီးရှို့ခဲ့ခြင်းတို့ကြောင့် လူနေအိမ်ပေါင်း ၂၅၀ ကျော် မီးလောင်ဖျက်ဆီးခြင်း ခံခဲ့ရသည်။  ဒီဇင်ဘာလ ၅ ရက်နေ့တွင်လည်း စစ်အုပ်စုသည် ရန်ကုန်မြို့၌ ငြိမ်းချမ်းစွာ ဆန္ဒပြသူများကို သေနတ်ဖြင့် ပစ်ခတ်ပြီး စစ်ကားဖြင့် တိုက်သတ်ဖြိုခွင်းခဲ့သဖြင့် လူငါးဦးသေဆုံးခဲ့ရပြီး ဒါဇင်ပေါင်းများစွာ ဒဏ်ရာရခဲ့ကြသည်။ ယင်းသို့သော အစွန်းရောက် အကြမ်းဖက်မှုပုံစံများကို နိုင်ငံ၏ နေရာဒေသ အနှံ့အပြားတွင် စစ်အုပ်စု၏ တပ်ဖွဲ့များက ထပ်ခါတလဲလဲ ကျူးလွန်နေသည်။ သို့ရာတွင် ကုလသမဂ္ဂအေဂျင်စီများသည် လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ မူဖြစ်သော “မည်သူမျှ ထိခိုက်နစ်နာမှုမရှိစေရေး” စံသတ်မှတ်ချက်ကို လိုက်နာကျင့်သုံးရန် ကတိကဝတ် ရှိထားသော်လည်း  အစွန်းရောက် အကြမ်းဖက်မှုလုပ်ရပ်များ ဆက်လက် ကျူးလွန်နေသော ယင်းစစ်အုပ်စုနှင့် လက်တွဲအလုပ်လုပ်ရန် ရွေးချယ်ခြင်းက ၎င်းတို့ကုလသမဂ္ဂ အေဂျင်စီများမှ အမွှန်းတင်ပြောဆိုနေသော “ကြားနေရေးနှင့် ဘက်မလိုက်ရေး” အခြေခံမူများကို ၎င်းတို့ကိုယ်တိုင် ချိုးဖောက်လိုက်ခြင်းပင် ဖြစ်သည်။

စစ်အုပ်စုနှင့် ပူးပေါင်းဆောင်ရွက်ခြင်းသည် ကုလသမဂ္ဂအဖွဲ့အစည်းများ၏ ကြားနေရေးမူနှင့် လူ့အခွင့်အရေးကို ကာကွယ်စောင့်ရှောက်ရမည့် ၎င်းတို့၏တာဝန်ဝတ္တရားများကို ဆန့်ကျင်နေသည့်အပြင် မြန်မာပြည်သူလူထုအား အကူအညီပေးရာတွင် လွဲမှားသော ချဉ်းကပ်မှုတစ်ခုလည်း ဖြစ်သည်။ စစ်အုပ်စုသည် လူသားချင်းစာနာထောက်ထားမှုဆိုင်ရာ အကူအညီများကို လက်နက်သဖွယ် ဆက်လက်အသုံးချနေပြီး  ကူညီထောက်ပံ့မှု ပေးနေသူများအား ဖမ်းဆီးခြင်းနှင့် သတ်ဖြတ်ခြင်းတို့အပြင် အရပ်သားပြည်သူများအား ဆက်တိုက်ပစ်မှတ်ထား တိုက်ခိုက်မှုများကြောင့် နေရပ်စွန့်ခွာထွက်ပြေးတိမ်းရှောင်ရသည့် အရပ်သားပြည်သူ များသထက်များလာနေပြီး ခိုကိုးရာမဲ့ဘဝအခြေအနေသို့ ရောက်ရှိနေကြရသည်။ တစ်ချိန်တည်းမှာပင် ကုလသမဂ္ဂဒုက္ခသည်များဆိုင်ရာမဟာမင်းကြီးရုံး (UNHCR) နှင့် ကမ္ဘာ့စားနပ်ရိက္ခာအဖွဲ့ (WFP) တို့မှ ချင်းနှင့် ရိုဟင်ဂျာများအပါအဝင် ပြည်သူများအတွက် အသက်ကယ်ရေးဆိုင်ရာ လူသားချင်းစာနာထောက်ထားမှု အကူအညီများ ပေးပို့ရာတွင် ကန့်သတ်မှုနှင့် ပိတ်ဆို့တားမြစ်မှုများနှင့်ကြုံတွေ့ခဲ့ရသဖြင့် MoU များ၏ ထိရောက်မှုအပေါ်တွင်လည်း မေးခွန်းထုတ်စရာ ဖြစ်လာသည်။

ကုလသမဂ္ဂအနေဖြင့် ရိုဟင်ဂျာများအပေါ် လူမျိုးတုံးသတ်ဖြတ်မှု ဖြစ်ပွားချိန်ကာလအတွင်း ၎င်း၏ စနစ်တကျ ပျက်ကွက်ကျရှုံးမှုကို သင်ခန်းစာယူရမည် ဖြစ်သည်။ ထိုမျှသာမက လူမျိုးတုံးသတ်ဖြတ်မှုနှင့် လူသားမျိုးနွယ်အပေါ် ဆန့်ကျင်သော ရာဇဝတ်မှုများအတွက် အပါအ၀င် ရိုဟင်ဂျာများအပေါ် ကျူးလွန်သော ရာဇာ၀တ်မှုများအတွက် မြန်မာစစ်တပ်ခေါင်းဆောင်များအား စုံစမ်းစစ်ဆေး တရားစွဲဆိုအရေးယူသင့်သည် ဟူသောအချက်ဖြင့် နိဂုံးချုပ်ထားသည့် လွတ်လပ်သောနိုင်ငံတကာအချက်အလက်ရှာဖွေရေးမစ်ရှင် (IIFFMM) ၏ အစီရင်ခံစာတွင် ချပြခဲ့သည့် အကြမ်းဖက်မှုများ ရပ်တန့်စေရေး၊ လျှော့ချရေး သို့မဟုတ် အာရုံစိုက်မှု ရရှိလာစေရေးတို့ကို လုပ်ဆောင်ရန် ပျက်ကွက်ခဲ့သည်ကို မမေ့လျော့သင့်ပေ။ မြန်မာနိုင်ငံရှိ ကုလသမဂ္ဂ အေဂျင်စီများသည် အလုပ်ဆက်လက်လုပ်ကိုင်နိုင်ရေးနှင့် ၎င်းတို့၏ အစီအစဉ်များကို ဆက်လက် အကောင်အထည် ဖော်ဆောင်နိုင်ရန်ဟူသော မျှော်မှန်းချက်ဖြင့် ရခိုင်ပြည်နယ်တွင် ဖြစ်ပွားနေသော လူမျိုးတုံး သတ်ဖြတ်မှုဆိုင်ရာ ရက်စက်ယုတ်မာမှုများအပေါ် နှုတ်ဆိတ်ရန် ရွေးချယ်ခဲ့ခြင်းသည် ရေရှည်တွင် လူ့အခွင့်အရေး အခြေအနေ ပိုမိုဆိုးရွားလာစေရန် ပံ့ပိုးပေးခြင်းပင် ဖြစ်သည်။ မြန်မာပြည်သူများမှ စစ်အုပ်စုကို ဖီဆန်၍ အသက်စွန့်နေရချိန်တွင် ရိုဆန်သဲလ် (Rosenthal) အစီရင်ခံစာ၌ အသေးစိတ်ဖော်ပြထားသကဲ့သို့ပင် ကုလသမဂ္ဂ၏ စနစ်တကျ ပျက်ကွက်ကျရှုံးမှုများသည် ထပ်ခါတလဲလဲ ဆက်ဖြစ်နေ၍ မရပေ။ မြန်မာနိုင်ငံအခြေစိုက် ကုလသမဂ္ဂတာဝန်ခံ (UN Resident Coordinator) သည် မြေပြင်ပေါ်တွင် ဖြစ်ပွားနေသော အခြေအနေကို ပုံမှန်လူသိရှင်ကြား ထုတ်ဖော်ပြောဆိုရန် ပျက်ကွက်နေခြင်းကြောင့် မြန်မာနိုင်ငံတွင် ကုလသမဂ္ဂ၏ စနစ်တကျ ပျက်ကွက်ကျရှုံးမှုများ နောက်တစ်ကြိမ် ထပ်ဖြစ်လာမည့် အန္တရာယ်ရှိနေသည်။ မြန်မာနိုင်ငံအခြေစိုက် ကုလသမဂ္ဂတာဝန်ခံအနေဖြင့် အကျပ်အတည်းများကို ကိုင်တွယ်ဖြေရှင်းရာတွင် အမျိုးသားညီညွတ်ရေးအစိုးရ (NUG) နှင့် မြန်မာအရပ်ဘက် လူထုအဖွဲ့အစည်းများနှင့် တိုင်ပင်ဆွေးနွေးရမည် ဖြစ်သည်။

ထို့အပြင် လူသားလုံခြုံရေးအပေါ် နောက်ထပ်သော အန္တရာယ်များ မကျရောက်စေဘဲ လူသားချင်း စာနာထောက်ထားမှုဆိုင်ရာ အကူအညီများကို အလိုအပ်ဆုံးသော ပြည်သူများထံသို့ ပေးပို့လုပ်ဆောင်ရန် အလွန်အရေးကြီးသည်။ ကျရှုံးနေသော အာဏာသိမ်းရန် ကြိုးပမ်းမှုက ကုလသမဂ္ဂ၏ လုပ်ငန်းအစီအစဉ်များကို မဖြစ်မနေ ပြန်လည်ချိန်ညှိပြင်ဆင်ရသည့် အနေအထားသို့ ရောက်ရှိစေခြင်းသည် မြန်မာနိုင်ငံဆိုင်ရာ ကုလသမဂ္ဂအဖွဲ့အတွက် မြန်မာအရပ်ဘက်လူထုအဖွဲ့အစည်းများ၊ တိုင်းရင်းသားအဖွဲ့အစည်းများနှင့် မြန်မာနိုင်ငံ၏ တစ်ခုတည်းသော တရားဝင်အစိုးရဖြစ်သည့် NUG တို့အား အကောင်အထည်ဖော်ဆောင်ရေး မိတ်ဘက်များအဖြစ် သတ်မှတ်သည့် လူ့အခွင့်အရေးဆိုင်ရာဘုံမဟာဗျူဟာတစ်ရပ် ရေးဆွဲရန်  အခွင့်အလမ်း တစ်ခုပင် ဖြစ်သည်။ ကုလသမဂ္ဂသည် NUG နှင့်တွေ့ဆုံပြီး ဒေသခံ လူသားချင်းစာနာထောက်ထားမှုဆိုင်ရာ အကူအညီပေးရေး အဖွဲ့အစည်းများနှင့် အရပ်ဘက်လူထုအဖွဲ့အစည်းများမှတစ်ဆင့် နယ်စပ်ဖြတ်ကျော် အကူအညီများ ပေးအပ်ရမည်။ ပဋိပက္ခဒေသများအတွင်း လှုပ်ရှားလုပ်ဆောင်နေသော တိုင်းရင်းသား ကျန်းမာရေးအဖွဲ့အစည်းများနှင့် အရပ်ဘက်လူထုအဖွဲ့အစည်းများ၊ နိုင်ငံအနှံ့တွင် အသစ်ဖွဲ့စည်းထားသော ကွန်ရက်များသည် အကူအညီများကို ထိရောက်စွာ ပို့ဆောင်၊ ဖြန့်ဝေပေးနိုင်သည့် အတွေ့အကြုံများနှင့် လုပ်ကိုင်နိုင်စွမ်း ရှိထားသည့်အပြင် ပြည်သူများ၏ ယုံကြည်ကိုးစားမှုကို ရထားပြီး အမှန်တကယ် ဆောင်ရွက်နိုင်သည့် အခြေခံအဆောက်အအုံလည်း ရှိကြသည်။

အာဏာသိမ်းရန် ကြိုးပမ်းမှုက နိုင်ငံကို စစ်အုပ်စု၏ ဖိနှိပ်ချုပ်ချယ်မှုအောက်မှ လွတ်မြောက်စေရေး အတွက် အလုပ်သမားများ၊ အလုပ်သမားသမဂ္ဂများ၊ တိုင်းရင်းသားပြည်သူများ၊ ပညာသင်ကြားပေးသူများ၊ ဆေးဘက်ဆိုင်ရာ ပညာရှင်များ၊ အမျိုးသမီးများ၊ LGBTIQ များ၊ ရဲများ၊ စစ်တပ်အဖွဲ့၀င်များနှင့် အရပ်ဘက်လူထုအဖွဲ့အစည်းများ စသည့် စုံလင်ကွဲပြားသော အစုအဖွဲ့များ ပါဝင်လှုပ်ရှားသော နိုင်ငံတစ်ဝှမ်း လှုပ်ရှားမှုဖြစ်သည့်  နွေဦးတော်လှန်ရေးကို ပေါ်ပေါက်လာစေခဲ့သည်။ နွေဦးတော်လှန်ရေးသည် အောင်မြင်မှုများ ရရှိနေပါသည်။ အကြမ်းဖက်စစ်အုပ်စုသည် ၎င်း၏အာဏာသိမ်းရန် ကြိုးပမ်းချိန်မှစ၍ ဆယ့်တစ်လနီးပါး ကြာလာသည့်တိုင် နိုင်ငံကို ထိန်းချုပ်လွှမ်းမိုးနိုင်ခြင်း မရှိသေးပေ။ ကုလသမဂ္ဂအနေဖြင့် မြန်မာပြည်သူလူထု နှင့်အတူ ရပ်တည်ပြီး သွေးစည်းညီညွတ်မှုပြကာ ၎င်းတို့၏ ရုန်းကန်မှုကို ပံ့ပိုး‌ရမည်။

၂၀၂၁ ခုနှစ် ဇွန်လတွင် ချမှတ်ခဲ့သော ကုလသမဂ္ဂအထွေထွေညီလာခံ ဆုံးဖြတ်ချက်နှင့်အညီ ကုလသမဂ္ဂ အေဂျင်စီများသည် ဒီမိုကရေစီနှင့် မြန်မာပြည်သူလူထု၏ ဆန္ဒကို ထောက်ခံပံ့ပိုးကြောင်း ရှင်းရှင်းလင်းလင်း ပြသရမည်ဖြစ်ပြီး အရပ်သားပြည်သူများ၏ ငြိမ်းချမ်းစွာ ဆန္ဒထုတ်ဖော်မှုများအပေါ် စစ်အုပ်စု၏ အကြမ်းဖက်မှုများ အဆုံးသတ်ရေးနှင့် နိုင်ငံရေးအကျဉ်းသားများအား ချက်ချင်းပြန်လွှတ်ပေးရေးတို့ကို တိုက်တွန်းတောင်းဆိုရမည် ဖြစ်သည်။

စစ်အုပ်စုသည် လူသားချင်းစာနာထောက်ထားမှုဆိုင်ရာ အကျပ်အတည်းကို ဖြစ်စေသည့် မူလဇစ်မြစ် ဖြစ်နေရာ ၎င်းတို့သည်  ဤအကျပ်အတည်း ဖြေရှင်းရေးအတွက် မိတ်ဖက်လုံးဝမဟုတ်ပေ။

ကုလသမဂ္ဂအနေဖြင့် မြန်မာလူထုအပေါ် ဆက်လက်ပျက်ကွက်နေ၍ မရဘဲ ၎င်း၏ လူ့အခွင့်အရေးဆိုင်ရာ တာဝန်ဝတ္တရားများ လိုက်နာစောင့်ထိန်းရေးကို အဓိကဦးစားပေးအဖြစ် ထားရှိရမည်ဖြစ်ပြီး ‌“မည်သူမျှ ထိခိုက်နစ်နာမှု မရှိစေရေး” အတွက် ၎င်းတို့၏ ကတိများကို ဖော်ဆောင်ရမည်။

ပိုမိုသိရှိလိုပါက ဆက်သွယ်ရန်

  • ဒေါ်ခင်ဥမ္မာ၊ ရှေ့ပြေးအသံအဖွဲ့၊ info@progressive-voice.org
  • မသဉ္ဇာရွှန်းလဲ့ရည်၊ ဒီမိုကရေစီဖွံ့ဖြိုးတိုးတက်ရေးလှုပ်ရှားဆောင်ရွက်မှုကော်မတီ၊ burma@protonmail.com
  • နော်ထူးထူး၊ ကရင်လူ့အခွင့်အရေးအဖွဲ့၊ htoothu@khrg.org
  • နိုင်အဲမွန်၊ မွန်ပြည်လူ့အခွင့်အရေးဖောင်ဒေးရှင်း၊ auemon@rehmonnya.org

အောက်ပါအရပ်ဘက်လူထုအဖွဲ့အစည်းစုစုပေါင်း ၂၅၆ ဖွဲ့ မှ လက်မှတ်ရေးထိုးသည်

  1. 8888 Generation (New Zealand)
  2. Action Committee for Democracy Development
  3. Advocates for Public Interest Law
  4. Ah Nah: Conversations with Myanmar Team
  5. Albany Karen community, Albany, NY
  6. All Arakan Students’ and Youths’ Congress
  7. All Burma Democratic Face in New Zealand
  8. ALTSEAN-Burma
  9. America Rohingya Justice Network
  10. American Baptist Churches USA
  11. Anti-Junta Mass Movement Committee
  12. Arakan Institute for Peace and Development
  13. Arakan Rohingya Union
  14. Arizona Kachin Community
  15. ASEAN Parliamentarians for Human Rights
  16. Asia Democracy Network
  17. Asia Pacific Refugee Rights Network (APRRN)
  18. Asia Pacific Solidarity Coalition
  19. Asian Companions Against Brutality
  20. Asian Dignity Initiative
  21. Asian Forum for Human Rights and Development (FORUM-ASIA)
  22. Assistance Association for Political Prisoners
  23. Association for Advancing Freedom of Religion or Belief in Vietnam (AAFoRB-Vn)
  24. Association of Human Rights Defenders and Promoters
  25. Association Suisse-Birmanie
  26. Athan – Freedom of Expression Activist Organization
  27. Auckland Kachin Community NZ
  28. Auckland Zomi Community
  29. AwazCDS-Pakistan
  30. Backpack Health Workers Team
  31. Banglar Manabadhikar Suraksha Mancha (MASUM), India
  32. Baptist World Alliance
  33. Blood Money Campaign
  34. Boat People SOS
  35. Burma Action Ireland
  36. Burma Campaign UK
  37. Burma Human Rights Network
  38. Burma Medical Association
  39. Burma Task Force
  40. Burmese American Millennials
  41. Burmese Democratic Forces
  42. Burmese Rohingya Association of North America
  43. Burmese Rohingya Community of Georgia
  44. Burmese Rohingya Organisation UK
  45. Burmese Rohingya Welfare Organisation New Zealand
  46. Burmese Women’s Union
  47. Busan Solidarity Network for Democracy in Myanmar
  48. Bytes For All, Pakistan
  49. Calgary Karen Community Association (CKCA)
  50. California Kachin Community
  51. Campaign for a New Myanmar
  52. Central European Institute of Asian Studies
  53. Centre for Human Rights and Development, Mongolia
  54. Changjak21
  55. Chin Community of Auckland
  56. Chin Leaders of Tomorrow (CLT)
  57. CIVICUS: World Alliance for Citizen Participation
  58. Coalition to Abolish Modern-day Slavery in Asia (CAMSA)
  59. Committee for Religious Freedom in Vietnam
  60. COVIL
  61. CRPH Funding Ireland
  62. CRPH/NUG Supporters Ireland
  63. Dalit Foundation
  64. Dallas Kachin Community
  65. Decency & Clarity
  66. Democracy for Myanmar – Working Group (NZ)
  67. Democracy, Peace and Women’s Organization -DPW
  68. Ecumenical Youth Council in Korea
  69. Edmonton Karen Community Youth Organization
  70. Education Community Woorijari Social Cooperation
  71. Educational Initiatives Myanmar
  72. Equality Myanmar
  73. European Karen Network
  74. Federal Myanmar Benevolence Group (NZ)
  75. Florida Kachin Community
  76. Free Burma Action Bay/USA/Global
  77. Free Myanmar Campaign USA/BACI
  78. Freedom for Burma
  79. Freedom, Justice, Equality for Myanmar
  80. Future Light Center
  81. Future Thanlwin
  82. Georgia Kachin Community
  83. Global Movement for Myanmar Democracy (GM4MD)
  84. Green Party Korea International Committee
  85. Gwanak Education Community MODU
  86. Houston Kachin Community
  87. Human Rights Development for Myanmar
  88. Human Rights Foundation of Monland
  89. IMPARSIAL, Indonesia
  90. Incorporated Organization Shilcheon Bulgyo
  91. In Defense of Human Rights and Dignity Movement (iDEFEND)
  92. Info Birmanie
  93. Initiatives for International Dialogue
  94. Institute for Asian Democracy
  95. Institute for Genocide and Mass Atrocity Prevention (I-GMAP)
  96. International Campaign for the Rohingya
  97. International Child Rights Center (InCRC)
  98. International Federation for Human Rights (FIDH)
  99. International Karen Organisation
  100. International Ministries – American Baptist Foreign Mission Society
  101. International Trade Union Confederation (ITUC)
  102. Iowa Kachin Community
  103. Justice for Myanmar (JFM)
  104. Kachin American Community (Portland – Vancouver)
  105. Kachin Community of Indiana
  106. Kachin Community of USA
  107. Kachin National Organization USA
  108. Kachin Women’s Association Thailand
  109. Karapatan Alliance Philippines
  110. Karen American Association of Wisconsin, Milwaukee, WI
  111. Karen Association Ireland
  112. Karen Association of Huron, SD
  113. Karen Community of Akron, OH
  114. Karen Community of Austin, Texas
  115. Karen Community of Canada (KCC)
  116. Karen Community of Czech Republic
  117. Karen Community of Finland
  118. Karen Community of Hamilton
  119. Karen Community of Iowa, IA
  120. Karen Community of Ireland
  121. Karen Community of Israel
  122. Karen Community of Kansas City, KS & MO
  123. Karen Community of Kitchener & Waterloo
  124. Karen Community of Leamington K
  125. Karen Community of Lethbridge
  126. Karen Community of London
  127. Karen Community of Minnesota, MN
  128. Karen Community of Ottawa
  129. Karen Community of Regina
  130. Karen Community of Saskatoon
  131. Karen Community of Thunderbay
  132. Karen Community of Toronto
  133. Karen Community of Windsor
  134. Karen Community of Winnipeg
  135. Karen Community Society of British Columbia (KCSBC)
  136. Karen Environmental and Social Action Network
  137. Karen Human Rights Group
  138. Karen Organization of America
  139. Karen Organization of Illinois, IL
  140. Karen Peace Support Network
  141. Karen Rivers Watch
  142. Karen Swedish Community (KCS)
  143. Karen Thai Group
  144. Karen Women’s Organization
  145. Karen Youth Education Pathways
  146. Karen Youth Networks
  147. Karen Youth of Norway
  148. Karen Youth of Toronto
  149. Karen Youth Organization
  150. Karenni Civil Society Network
  151. Karenni Human Rights Group
  152. Karenni National Women’s Organization
  153. Karenni Society New Zealand
  154. Keng Tung Youth
  155. Kentucky Kachin Community
  156. Kijamii Table
  157. Korea Christian Solidarity for Democracy in Myanmar
  158. Korea Karen Organization
  159. Korea Karen Youth Organization
  160. Korean Civil Society in Solidarity with the Rohingya
  161. Korean Civil Society in Support of Democracy in Myanmar
  162. Korean Dentists Association for Healthy Society, Busan-Kyungnam branch
  163. Korean House for International Solidarity
  164. Korean Solidarity for Overseas Community Organization
  165. La Communauté Birmanie de France
  166. LA Rohingya Association
  167. Louisiana Kachin Community
  168. Maldivian Democracy Network (MDN), Maldives
  169. Maryland Kachin Community
  170. May 18 Seoul Memorial Society
  171. Michigan Kachin Community
  172. Migrant Health Association in Korea WeFriends
  173. MINBYUN – Lawyers for a Democratic Society International Solidarity Committee
  174. Minnesota Kachin Community
  175. Myanmar Accountability Project
  176. Myanmar Advocacy Coalition
  177. Myanmar Doctors for Human Rights Network
  178. Myanmar Engineers – New Zealand
  179. Myanmar Family Community Ireland (MFCI)
  180. Myanmar Gonye (New Zealand)
  181. Myanmar Hindu Union
  182. Myanmar People Alliance (Shan State)
  183. Myanmar Students’ Union in New Zealand
  184. National Clergy Conference for Justice and Peace
  185. National Council of YMCAs of Korea
  186. Nationalities Alliance of Burma USA
  187. NeT Organization
  188. Netherlands-Myanmar Solidarity Platform
  189. Network for Human Rights Documentation Burma (ND-Burma)
  190. Never Again Coalition
  191. New Bodhisattva Network
  192. New York Kachin Community
  193. New Zealand Doctors for NUG
  194. New Zealand Karen Association
  195. New Zealand Zo Community Inc.
  196. No Business With Genocide
  197. North Carolina Kachin Community
  198. Nyan Lynn Thit Analytica
  199. Olive Organization
  200. Omaha Kachin Community
  201. Oversea Karen Organization Japan
  202. Overseas Burmese Christian Fellowship
  203. Overseas Mon Association New Zealand
  204. Pa-O Women’s Union
  205. Pennsylvania Kachin Community
  206. People, not Profit
  207. People’s Watch, India
  208. People’s Solidarity for Participatory Democracy (PSPD)
  209. Philippine Alliance of Human Rights Advocates (PAHRA)
  210. PIDA (People’s Initiative for Development Alternatives)
  211. Progressive 3.0
  212. Progressive Korea
  213. Progressive Voice
  214. Pyithu Gonye (New Zealand)
  215. Pyungdung Parents Union
  216. Rohingya Cultural Center of Chicago
  217. Rvwang Community Association New Zealand
  218. Save and Care Organization for Ethnic Women on the Border Areas
  219. Save Myanmar Fundraising Group (New Zealand)
  220. Save the Salween Network
  221. SEA Junction
  222. Shan Community (New Zealand)
  223. Shan MATA
  224. Sisters 2 Sisters
  225. Sitt Nyein Pann Foundation
  226. Solidarity for Another World
  227. Solidarity for Peace & Human Rights in Asia
  228. South Carolina Kachin Community
  229. Spouses of Peoples’ Soldiers
  230. Spring Revolution Interfaith Network
  231. Students for Free Burma
  232. Support Group for Democracy in Myanmar (Netherlands)
  233. Support the Democracy Movement in Burma
  234. Supporters Group for Migrant Workers Movement in Korea
  235. Swedish Foundation for Human Rights
  236. Synergy – Social Harmony Organization
  237. Ta’ang Women’s Organization
  238. Tennessee Kachin Community
  239. The Center For Freedom of Information
  240. The Human Rights Center of the National Council of Churches in Korea
  241. The Rohingya American Society (RAS)
  242. The Sound of Hope
  243. Thint Myat Lo Thu Myar
  244. S. Campaign for Burma
  245. ULSAN MIGRANT CENTER
  246. Union of Karenni State Youth
  247. Unitarian Universalist Association
  248. Unitarian Universalist Service Committee (UUSC)
  249. US Advocacy Coalition for Myanmar
  250. Utica Karen Community, NY
  251. Virginia Kachin Community
  252. Washington Kachin Community
  253. West Virginia Kachin Community
  254. Women’s League of Burma
  255. Women’s Peace Network
  256. Wonders International

English version.


Download PDF in English I Burmese