၈၈ မျိုးဆက်ခေါင်းဆောင် ဦးဂျင်မီ ဖမ်းဆီးခံရ
24 October 2021
(ဦးဂျင်မီ ခေါ် ကိုကျော်မင်းယု/Facebook)
စာရေးဆရာတစ်ဦးလည်းဖြစ်သူ ဦးဂျင်မီ (ခ) ဦးကျော်မင်းယုမှာ ယမန်နေ့ (အောက်တိုဘာ ၂၃) ညပိုင်းက ရန်ကုန်၊ ဒဂုံမြို့သစ်မြောက်ပိုင်းမြို့နယ်တွင် ဖမ်းဆီးခံရခြင်းဖြစ်ကြောင်း ၎င်း၏ ဇနီးဖြစ်သူ ဒေါ်နီလာသိန်းက အတည်ပြုသည်
By Myanmar Now
ထင်ရှားသည့် ၁၉၈၈ မျိုးဆက်ကျောင်းသားခေါင်းဆောင်တစ်ဦးဖြစ်သူ ကိုကျော်မင်းယုခေါ် ဦးဂျင်မီကို စစ်ကောင်စီတပ်ဖွဲ့များက ယမန်နေ့ညတွင် ဖမ်းဆီးခဲ့ကြောင်း သိရှိရသည်။
စာရေးဆရာတစ်ဦးလည်းဖြစ်သူ ဦးဂျင်မီမှာ ယမန်နေ့ (အောက်တိုဘာ ၂၃) ညပိုင်းက ရန်ကုန်၊ ဒဂုံမြို့သစ်မြောက်ပိုင်းမြို့နယ်တွင်း ဖမ်းဆီးခံရခြင်းဖြစ်ကြောင်း ၎င်း၏ ဇနီးဖြစ်သူ ဒေါ်နီလာသိန်းက Myanmar Now ကို ပြောသည်။
“ကိုဂျင်မီကို စကစ (စစ်ကောင်စီ) တွေ ဖမ်းဆီးသွားပါတယ်။ အသက်အန္တရာယ်ကို စိုးရိမ်ရပါတယ်။ စကစ ဖမ်းဆီးမှုနောက်ပိုင်း ဖြစ်ပေါ်လာတဲ့ အခြေအနေအားလုံးကို တာဝန်ယူဖြေရှင်းရမယ်” ဟု ဒေါ်နီလာသိန်းက လူမှုကွန်ရက် Facebook စာမျက်နှာ၌ ယနေ့ မွန်းလွဲပိုင်းက ရေးတင်ထားသည်။
ဦးဂျင်မီ ဖမ်းဆီးခံရခြင်းနှင့် ပတ်သက်မှု ရှိမရှိ အတည်မပြုနိုင်သေးသော်လည်း ဒဂုံမြို့သစ်မြောက်ပိုင်းတွင် ယနေ့ နံနက်အစောပိုင်း ၃ နာရီခန့်က ပစ်ခတ်မှုဖြစ်ပွားခဲ့ကြောင်း BBC သတင်းဌာနက ရေးသားထားသည်။
ဦးဂျင်မီသည် ၁၉၈၈ ခုနှစ် ဒီမိုကရေစီအရေးတော်ပုံမှ ထင်ရှားသည့် ကျောင်းသားခေါင်းဆောင်များ စုစည်းတည်ထောင်ထားသည့် ၈၈ မျိုးဆက်ငြိမ်းချမ်းရေနှင့် ပွင့်လင်းလူ့အဖွဲ့အစည်း (၈၈/ငြိမ်းပွင့်) အဖွဲ့ ခေါင်းဆောင်တစ်ဦးလည်းဖြစ်သည်။ ၎င်းသည် ၈၈ မျိုးဆက်ခေါင်းဆောင် ဦးမင်းကိုနိုင်အပါအဝင် အခြားထင်ရှားကျော်ကြားသူအချို့နှင့်အတူ စစ်တပ်က အာဏာသိမ်းပြီး ဆယ်ရက်ခန့်အကြာ ဖေဖော်ဝါရီ ၁၃ ရက်တွင် ရာဇသတ်ကြီးပုဒ်မ ၅၀၅−ခ ဖြင့် ဖမ်းဝရမ်းထုတ်ခံထားရသူဖြစ်သည်။
ဦးဂျင်မီသည် ၁၉၈၈ မှ ၁၉၉၆ အတွင်းလည်းကောင်း၊ ၂၀၀၇ မှ ၂၀၁၂ ထိလည်းကောင်း နိုင်ငံရေးလှုပ်ရှားမှုများကြောင့် နှစ်ရှည်ထောင်ဒဏ်များကျခံခဲ့ရဖူးသူဖြစ်သည်။
Original Post: Myanmar Now
Announcements
04 April 2025
Myanmar: Human Rights Council condemns the junta, responds to the earthquake, and calls to end sale and supply of arms and jet fuel
31 March 2025
သတင်းထုတ်ပြန်ကြေညာချက် – မြန်မာနိုင်ငံရှိ ငလျင်ဒဏ်သင့် သက်ရှင်ကျန်ရစ်သူများနှင့် ထိခိုက်ခံစားရသည့် လူထုများအတွက် သဘာဝဘေးအန္တရာယ်ဆိုင်ရာ ကူညီကယ်ဆယ်ရေးအတွက် အရပ်ဘက်လူထုအဖွဲ့အစည်းများတောင်းဆို
30 March 2025
Press Statement: Civil society calls for disaster relief for earthquake survivors and affected communities in Myanmar
17 March 2025
အိတ်ဖွင့်ပေးစာ – အထူးကိုယ်စားလှယ်၏ အကျိုးစီးပွားဆိုင်ရာ ပဋိပက္ခရှိနေမှုက စုံစမ်းစစ်ဆေးမှုပြုလုပ်ရန် နှင့် ၎င်း၏လုပ်ပိုင်ခွင့်အာဏာကို အဆုံးသတ်ရန် အရေးတကြီးလိုအပ်နေမှုကို ဖော်ပြနေသည်
17 March 2025
Open letter: Special Envoy’s conflicts of interest signal urgent need for investigation and complete end of mandate
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.