အဖမ်းခံရသည့် ကိုထက်ကိုဦး စစ်ကြောရေး၌ သေဆုံးသွားပြီဟု မိသားစုပြော
04 August 2021
စစ်ကောင်စီမှ ဖမ်းဆီးသွားပြီးနောက် သေဆုံးသွားပြီဆိုသော ကိုထက်ကိုဦး
By ဧရာဝတီ
စစ်ကောင်စီက ဖောက်ခွဲရေး ဖြစ်စဉ်များနှင့် ဆက်စပ်သည်ဟု ဆိုကာ ဖမ်းထားသူများထဲမှ ကိုထက်ကိုဦးဆိုသူမှာ စစ်ကြောရေး တွင် သေဆုံးသွားကြောင်း မိသားစုဝင်များ၏ ပြောဆိုမှုအရ သိရသည်။
ကိုထက်ကိုဦး (၂၃နှစ်) အပါ ၃ဦးကို ဒဂုံဆိပ်ကမ်းမြို့နယ် ၈၅ ရပ်ကွက်၊ ဦးအုန်းလွင်လမ်းရှိ အပ်ချုပ်ပစ္စည်းများ သိုလှောင်ထားရာ ဂိုထောင်တွင် လက်လုပ်သေနတ်တလက်၊ လက်လုပ်မိုင်းများဖြင့် ဇူလိုင် ၂၀ရက် ညက ဖမ်းမိကြောင်း သြဂုတ် ၁ရက် စစ်ကောင်စီ သတင်းစာများတွင် ဖော်ပြထားသည်။
မိသားစုဝင်များ ပြောဆိုချက်အရ ဖျာပုံဇာတိ ကိုထက်ကိုဦးမှာ မေလ ၁၅ရက်ကတည်းက သူငယ်ချင်းများနှင့် ရန်ကုန်သို့ အလုပ် လုပ်ရန် သွားမည်ဆိုကာ ထွက်သွားခြင်းဖြစ်ပြီး စစ်ကောင်စီက သတင်းကြေညာမှသာ အဖမ်းခံရသည်ကို သိရပြီး ဖမ်းဆီးစဉ်က ဒဏ်ရာရှိထားကြောင်းသိရသည်။
“အခုချိန်ထိတော့ ဖမ်းဆီးသွားတဲ့ သူတွေဘက်က မိသားစုဆီ ဘာမှအကြောင်းကြားတာ မရှိသေးဘူး၊ ဒါပေမယ့် သေချာပါတယ်၊ တတ်နိုင်သမျှ စုံစမ်းကြည့်တော့ ယုံကြည်ရတဲ့သူတယောက်စီကနေ တဆင့်သိရတာပါ၊ သေဆုံးပြီဆိုတာ မိသားစုအနေနဲ့ အတည် ပြု ပေးလိုက်ပါပြီ”ဟု မိသားစုဝင်တဦးက ဧရာဝတီသို့ပြောသည်။
ကိုထက်ကိုဦးနှင်ပတ်သက်၍ စစ်ကောင်စီက ကရင်အမျိုးသား လွတ်မြောက်ရေး တပ်မတော် (KNLA)တပ်မဟာ ၅ နယ်မြေတွင် ဖောက်ခွဲရေးသင်တန်း တက်ခဲ့သူဖြစ်ကြောင်း စွပ်စွဲထားသည်။
စစ်ကောင်စီက ဖမ်းဆီးပြီးနောက် ၎င်းတို့ သတင်းစာတွင် ဖော်ပြထားသည့် ကိုထက်ကိုဦး၏ ပုံ
၎င်း မိသားစု၏ စုံစမ်းမှုများအရ ဖမ်းခံရပြီးနောက် ရက်ပိုင်းအတွင်း သေဆုံးခဲ့ကြောင်း သိရသော်လည်း သေချာ သိခဲ့သည့်
ဩဂုတ် ၂ ရက်ကိုသာ သေဆုံးသည့်နေ့ဟု သတ်မှတ် အတည်ယူကာ ကုသိုလ်ကောင်းမှု ပြုသွားမည်ဟု သိရသည်။
စွပ်စွဲဖမ်းဆီးခံရကာ သေဆုံးသွားသည့် ကိုထက်ကိုဦးအတွက် တရားမျှတမှုကို လိုချင်ကြောင်း၊ ထိုအတွက် ၎င်း သေဆုံးမှုအပေါ် သတင်းဌာန အဖွဲ့အစည်းများ အနေဖြင့် ဆက်လက်ကူညီစုံစမ်းပေးစေလိုကြောင်းလည်း မိသားစုက ဆန္ဒပြုသည်။
ကိုထက်ကိုဦး သေဆုံးကြောင်း သတင်းများနှင့် ပတ်သက်ပြီး စစ်ကောင်စီတာဝန်ရှိသူများထံ ဆက်သွယ်မေးမြန်းထားသော်လည်း တစုံတရာ တုံ့ပြန်ဖြေကြားပေးခြင်း မရှိသေးပေ။
စစ်ကောင်စီ၏ တပ်ဖွဲ့များသည် ဖမ်းဆီးခံရသူများ အပေါ် တရားလက်လွတ်ပြုလုပ်နေရာ ပြီးခဲ့သည့် မေ ၂၄ ရက် ညပိုင်းက ကိုမဲကြီး ခေါ် ကိုစိုးမိုးလှိုင်လည်း စစ်ကြောရေးတွင် သတ်ဖြတ်ခံခဲ့ရသလို၊ ထိုတနေ့တည်းမှာပင် စစ်ကိုင်းတိုင်း ကလေးမြို့မှ ဆိုင်ကယ်ပြင် ဆရာ ကိုမင်းမင်းလည်း ဖမ်းဆီးခံရစဉ် သေဆုံးသွားသည်။
စစ်ကောင်စီက ဖော်ပြခဲ့သည့် ဖောက်ခွဲရေးဖြစ်စဉ်များနှင့် ဆက်စပ်သူများ ဇယား
ကိုမဲကြီး ခေါ် ကိုစိုးမိုးလှိုင်မှာ စစ်ကောင်စီ ပြည်ထဲရေး ဒု ဝန်ကြီး ဒု ဗိုလ်ချုပ်ကြီး သန်းလှိုင်၏ ညီအရင်းဖြစ်သည်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)၏ ထုတ်ပြန်ထားချက်အရ ဩဂုတ် ၃ ရက်နေ့အထိ အာဏာသိမ်း စစ်ကောင်စီတပ်ဖွဲ့များ၏ အကြမ်းဖက်ပစ်ခတ်ဖမ်းဆီးမှုများကြောင့် ကလေးငယ်များအပါအဝင် ၉၄၆ ဦးသေဆုံးခဲ့ရပြီး ဖမ်းဆီးချုပ် နှောင်ခံထားရသူ ၅၄၇၈ ဦး၊ ဖမ်းဝရမ်းထုတ်ခံထားရသူ ၁၉၆၄ ဦးရှိကြောင်းသိရသည်။
Original Post: The Irrawaddy
Announcements
04 April 2025
Myanmar: Human Rights Council condemns the junta, responds to the earthquake, and calls to end sale and supply of arms and jet fuel
31 March 2025
သတင်းထုတ်ပြန်ကြေညာချက် – မြန်မာနိုင်ငံရှိ ငလျင်ဒဏ်သင့် သက်ရှင်ကျန်ရစ်သူများနှင့် ထိခိုက်ခံစားရသည့် လူထုများအတွက် သဘာဝဘေးအန္တရာယ်ဆိုင်ရာ ကူညီကယ်ဆယ်ရေးအတွက် အရပ်ဘက်လူထုအဖွဲ့အစည်းများတောင်းဆို
30 March 2025
Press Statement: Civil society calls for disaster relief for earthquake survivors and affected communities in Myanmar
17 March 2025
အိတ်ဖွင့်ပေးစာ – အထူးကိုယ်စားလှယ်၏ အကျိုးစီးပွားဆိုင်ရာ ပဋိပက္ခရှိနေမှုက စုံစမ်းစစ်ဆေးမှုပြုလုပ်ရန် နှင့် ၎င်း၏လုပ်ပိုင်ခွင့်အာဏာကို အဆုံးသတ်ရန် အရေးတကြီးလိုအပ်နေမှုကို ဖော်ပြနေသည်
17 March 2025
Open letter: Special Envoy’s conflicts of interest signal urgent need for investigation and complete end of mandate
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.