သူရဲကောင်းမင်းခန့်စိုးအတွက် ဖခင်စာရေးဆရာမှ ဦးညွတ်ရေးထားတဲ့ကဗျာ
နွေဦးတော်လှန်ရေး သူရဲကောင်းမင်းခန့်စိုး
#နွေဦးသူရဲကောင်းသားငယ်ကျဆုံးခဲ့တဲ့
သုံးလပြည့်
#ဖခင်စာရေးဆရာမှဦးညွတ်ရေးထားတဲ့ကဗျာ
တောင်ဥက္ကလာမှာပထမဆုံးကျဆုံးခဲ့ရသော သူရဲကောင်းမင်းခန့်စိုးအတွက်
…. ဒီမှာ သေမင်းတမန်
ကျည်ဆံ တွေကို အံတု
လူမှု တော်လှန်ရေး ဆင်နွှဲ
တိုက်ပွဲက စခဲ့ပြီ ။
– ဒီတိုက်ပွဲမှာ
ကဗျာဆရာရဲ့ သား
ကျွန်တော့် သား မင်းခန့်စိုး
တိုးဝင် ခြေလှမ်း
မကြောက်တမ်း ရင်ဆိုင်
ခိုင်မာ သန္နိဌာန် ကို တွေး
သမိုင်း ကိုလည်း ရေးခဲ့ပြီ ။
– အဲ့ဒီ နေ့
၂၀၂၁ မတ်လ ၁၄ ရက်နေ့
သွေးအိုင်ထဲမှာ
ကဗျာဆရာရဲ့သား ကျဆုံး
အဖေ နှလုံး ကွဲကြေ ခဲ့ရပြီ ။
– ၁၄ ရက်နေ့ ရောက်တိုင်း
အိမ်သူ ငိုတယ်
သူ့အစ်ကို ငိုတယ်
ညီမလေး နဲ့ ညီလေး ငိုတယ်
( နောက်တော့….)
ကဗျာဆရာ ငိုမိတယ် ။
– သားလေးရေ….
ရောက်တဲ့ ဘုံဘဝမှာ ခိုနားပါ
သမိုင်းတွေကို ထပ်ရေးပါ
အမှန်တရား ဘက်က ရပ်တည်ပါ
ဒီမိုကရေစီကို ရှာဖွေပါ ။
– ဟော….ဟိုမှာ
ချစ်တဲ့ သားလေးရေ
သားလေးရဲ့ ဝိညာဉ်
အဖေ့ရင်ဆီ တွယ်ချိတ်
ဒီည အရိပ်မှာ လည်း
သားလေး ကို အဖေ ရှာ ဖွေရင်း
အလင်းတန်း ကို မျှော်ငေး
ဟိုးအဝေးက မျှော်လင့်ချက်
( မပ်က္နားခို )
သားကို ရှာဖွေ တွေ့ခဲ့ပြီ ။
အေဖော်ခိုင်
