“လူမှုဘ၀အေးချမ်းလုံခြုံရေးအတွက် မုဒိမ်းမှုများပျောက်ရေးသည် လူသားတိုင်း၏ တာဝန်ဖြစ်သည်”

အမျိုးသမီးအလုပ်သမားများ၏ လုပ်ငန်းခွင်အခြေအနေကောင်းမွန်ရေးဆန္ဒဖော်ထုတ်မှုကို အခြေပြုကာ ပေါ်ပေါက်လာသည့် နိုင်ငံတကာအမျိုးသမီးများနေ့ကို ကမ္ဘာတ၀ှမ်း ဂုဏ်ပြုကျင်းပခဲ့သည်မှာ ယခုဆိုလျှင် ၁၀၆ ကြိမ်မြောက်ရှိပြီဖြစ်သည်။ နိုင်ငံတကာအမျိုးသမီးများနေ့သည် အမျိုးသမီးများ၏အောင်မြင်မှုများ၊ ကြိုးပမ်းမှုများ၊ လုပ်ဆောင်နိုင်စွမ်းများကို အသိ အမှတ်ပြုသောအားဖြင့် ဂုဏ်ပြုချီးမြှောက်သည့် နေ့ထူးနေ့မြတ်တရက်ဖြစ်သည်။

သို့သော် မြန်မာနိုင်ငံရှိ အမျိုးသမီးအများစုမှာ မိမိတို့နှင့် တိုက်ရိုက်သက်ဆိုင်သည့် ယခုလို နိုင်ငံတကာအမျိုးသမီးများနေ့ အကြောင်းကိုပင် ရင်းနှီးမှုမရှိသေးသည်မှာ ၀မ်းနည်းစရာပင်ဖြစ်သည်။ ထို့ပြင် မြန်မာနိုင်ငံမှ အမျိုးသမီးများသည် ကျား/မ ခွဲခြားဆက်ဆံမှုများ၊ အကြမ်းဖက်မှုများ၊ လူ့အခွင့်အရေးချိုးဖောက်မှုများကို နည်းမျိုးစုံဖြင့် အကာအကွယ်မဲ့ ချိုးဖောက်ခံနေ ကြရသည့်အပြင် လူသားမဆန်သည့် မုဒိမ်းပြုကျင့်မှုများကို လူမမယ်အရွယ်လေးမှအစ အိုမင်းမစွမ်း အဖွားအိုများအထိပင် ကျူးလွန်ခံနေရသည်မှာ အဆိုးဆုံးပင် ဖြစ်သည်။

ရဲမှတ်တမ်းထုတ်ပြန်ချက်အရ ၂၀၁၆ ခုနှစ် တနှစ်တည်းတွင်ပင် မြန်မာနိုင်ငံတ၀ှမ်းလုံးတွင် တရားဝင်တိုင်ကြားခံရသည့် မုဒိမ်းမှုပေါင်း ၁၁၀၀ ရှိပြီး ထိုထဲတွင် အရွယ်မရောက်သေးသော သက်ငယ်မုဒိမ်းမှုပေါင်း ၆၇၁ မှုရှိနေသည်။ ၂၀၁၇ ခုနှစ် ဇန်န၀ါရီလ တစ်လတည်းတွင် မုဒိမ်းမှုပေါင်း ၁၂၅ မှုရှိနေပြီး ၈၁ မှုမှာ အရွယ်မရောက်သေးသော သက်ငယ်မုဒိမ်းမှုဖြစ် သည်။ ပတ်ဝန်းကျင်အသိုင်းအ၀ိုင်းအတွင်းမှသာမက အမျိုးသမီးများအတွက် အလုံခြုံဆုံးနေရာဟု သတ်မှတ်ခဲ့ကြသည့် မိသားစုအ၀န်းအ၀ိုင်းအတွင်းတွင်ပင် မုဒိမ်းမှုဖြစ်ပွားမှု တိုးမြင့်လာခြင်းသည် အမျိုးသမီးများ အကြမ်းဖက်ခံရမှုများနှင့် လူ့ အခွင့်အရေးချိုးဖောက်ခံရမှုများအား အဆိုးဝါးဆုံးအခြေအနေသို့ရောက်အောင် တွန်းပို့နေသည်။ ဤအခြေအနေသည် ကျူးလွန်ခံရသူ ကာယကံရှင် အမျိုးသမီးများသာမက၊ မိသားစုဝင်များအပါအ၀င် လူမှုအသိုင်းအ၀ိုင်း၏ ဂုဏ်သိက္ခာနှင့် လုံခြုံမှုကိုပါ ဆိုးဝါးစွာ ထိခိုက်စေသည်။ အမျိုးသမီးများ၏ဘ၀ လုံခြုံမှု မရှိသရွေ မိမိတို့ မိသားစုနှင့် မိမိတို့ပတ်ဝန်းကျင်၏ လုံခြုံမှုနှင့် ငြိမ်းချမ်းမှုကိုရရှိရန်မှာ မဖြစ်နိုင်ပေ။

ထိုသို့သော လူ့ဂုဏ်သိက္ခာနှင့် လူမှုအသိုင်းအ၀ိုင်းအတွက် အရှက်မဲ့စေသော မုဒိမ်းပြုကျင့်မှုများ ဒီရေအလား တိုးတက်နေ ခြင်းသည် ကျူးလွန်သူများအား ထိထိရောက်ရောက် အပြစ်ပေးအရေးယူမှုအားနည်းနေခြင်းနှင့် အမျိုးသမီးများကို ကာကွယ် ကူညီပေးနိုင်သော ခိုင်မာသည့်လူ့အသိုင်းအ၀ိုင်းတရပ် မရှိခြင်းကြောင့်ဖြစ်သည်ဟု မိမိတို့မှရှုမြင်သည်။ ထိုသို့ လူသားမဆန်၊ သိက္ခာမဲ့သည့် မုဒိမ်းပြုကျင့်မှုများကို မိမိတို့ လူမှုအသိုင်းအ၀ိုင်းမှ အမြစ်ပြတ်ဖယ်ရှားရန် ထိရောက်သော အပြစ်ပေးအရေး ယူမှုများ၊ ကျူးလွန်ခံရသူများအတွက် ပြန်လည်ကုစားသည့်အစီအစဉ်များ ရှိရန်လိုအပ်သည့်အပြင် မုဒိမ်းမှုဖြစ်စေရန် သွယ်ဝိုက်တွန်းအားပေးနေသည့် အမျိုးသမီးများအပေါ် နည်းမျိုးစုံဖြင့် ခွဲခြားဆက်ဆံမှု၊ အကြမ်းဖက်မှုများအားလုံးကို ဆန့်ကျင်သည့် အသိစိတ်ဓာတ်များ မိမိတို့တဦးချင်းစီတွင် ရှိရန်မှာ အဓိက အရေးကြီးသည့် အချက်ဖြစ်သည်။ ထို့ကြောင့် မိမိတို့ လူမှုအ၀ိုင်းအ၀ိုင်းတခုလုံး အေးချမ်းလုံခြုံရေးအတွက် မုဒိမ်းမှုများပပျောက်ရန် မိမိတို့ တဦးချင်းစီအလိုက် တာဝန်သိစိတ်ဖြင့် တတ်နိုင်သည့်ဘက်မှ ပါဝင်ပူးပေါင်းကူညီကြပါရန် အလေးအနက် တိုက်တွန်းနှိုးဆော်အပ်ပါသည်။

ဆက်သွယ်ရန်

ဇင်မာဖြိုး – အထွေထွေအတွင်းရေးမှူး(+၆၆ ၈၇ ၇၈၇ ၈၈၉၅)/

ယဉ်မျိုးလှိုင် – စည်းရုံးလှုံ့ဆော်ရေးတာဝန်ခံ (+၉၅ ၉၂ ၅၁၀ ၄၀

Related Posts: