20 May 2022
ရ
၂၀၂၁ ခုနှစ်၊ ဖေဖော်ဝါရီလ(၁)ရက်နေ့တွင် မြန်မာစစ်တပ်က အာဏာသိမ်းရန် ကြိုးပမ်းခဲ့ပြီးနောက် တနင်္သာရီတိုင်းဒေသကြီးတွင် COVID-19 ကပ်ရောဂါကို စစ်ကောင်စီမှ အလွဲသုံးစားလုပ်သည့်အပြင် လက်နက်သဖွယ် အသုံးချမှုကို ဒေသခံအရပ်ဘက်အဖွဲ့အစည်းများ၏ (၄)လ တာ စောင့်ကြည့်လေ့လာမှုများအရ တွေ့ရှိရသည်။
ထို့ကြောင့် UN အပါအ၀င် နိုင်ငံတကာ အစုအဖွဲ့များအနေဖြင့် လူသားချင်းစာနာထောက်ထားမှု အရေးပေါ် အကူအညီများအား စစ်အုပ်စုမှတဆင့် ဖြန့်ဝေခြင်း သို့မဟုတ် စစ်အုပ်စုနှင့် ပတ်သက်ဆက်နွယ်နေသော မည်သည့်အဖွဲ့စည်းနှင့်မျှ ပူးပေါင်းပေးအပ်ခြင်းမျိုး မလုပ်သင့်ကြောင်း တနင်္သာရီတိုင်းဒေသကြီး အခြေစိုက် အောက်ပါ အရပ်ဘက်အဖွဲ့အစည်းများ၊ အထွေထွေနှင့် လူထုလူတန်းစား အစုံပါ၀င်သည့် လွတ်လပ် တက်ကြွသော နိုင်ငံရေးနှင့် တော်လှန်ရေးအင်အားစုများ၊ မြန်မာနိုင်ငံ အရပ်ဘက်အဖွဲ့အစည်းများနှင့် မြန်မာပြည်သူလူထုအကျိုးအတွက် လှုပ်ရှားဆောင်ရွက်နေသာ အရပ်ဘက်အဖွဲ့အစည်းများက တိုက်တွန်းလိုက်ရပါသည်။
၁။ တနင်္သာရီတိုင်းအတွင်းရှိ မြို့နယ် (၁၀) ခုတွင် လူ (၂၆၀) ဦး၏ COVID-19 တုံ့ပြန်မှုဆိုင်ရာ အတွေ့အကြုံများ အားဒေသခံအရပ်ဘက်အဖွဲ့အစည်းပေါင်း (၃၀) ကျော်ပါ၀င်သည့် တနင်္သာရီတိုင်း လူထုအသံက [1]၂၀၂၁ ခုနှစ် ဒီဇင်ဘာလ မှ ၂၀၂၂ ခုနှစ် မတ်လအထိ၊ (၄)လ တာ ပဏာမ စစ်တမ်းကောက်ယူခဲ့ရာ ကိုဗစ်-၁၉ ကပ်ရောဂါ၏ အဓိကကျသော သက်ရောက်မှု (၈) ခုကို တွေ့ရှိခဲ့ပါသည်။
၂။ အဆိုပါ တွေ့ရှိချက်များအရ စစ်အုပ်စုသည် ကိုဗစ်-၁၉ အား ၄င်းတို့၏ စစ်အာဏာသိမ်းရန် ကြိုးပမ်းမှုအား ဆန့်ကျင်သည့် နိုင်ငံရေးသမားများ၊ တက်ကြွပြည်သူများအပေါ် ပိုမိုဖိနှိပ်ရန်၊ ခွဲခြားဆက်ဆံရန်၊ ကန့်သတ်ပိတ် ပင်ရန် စသည့် လူ့အခွင့်အရေးချိုးဖောက်မှုများ အတွက် အကြောင်းပြချက် အဖြစ်အသုံးပြုခဲ့ကြောင်း ၂၀၂၂ ခုနှစ် မေလ (၄) ရက်တွင် ထုတ်ပြန်ခဲ့သည့်‘’မြန်မာစစ်တပ်မှ တနင်္သာရီတိုင်းအတွင်း ကိုဗစ်–၁၉ ကို လက်နက်သဖွယ် အသုံးချခြင်း” [2]အစီရင်ခံစာတွင် ထင်ထင်ရှားရှား ဖော်ပြခဲ့သည်။
၃။ ထို့ကြောင့် ကျွန်ုပ်တို့ တနင်္သာရီတိုင်းဒေသကြီး အခြေစိုက် နိုင်ငံရေးအင်အားစုများ နှင့် နိုင်ငံအ၀ှမ်းရှိ မိတ်ဘက် ဒီမိုကရေစီနှင့် လူ့အခွင့်အရေးအစုအဖွဲ့များအနေဖြင့် အောက်ပါ အကြံပြုချက်များအား လေးလေးနက်နက် ထုတ်ပြန်လိုက်ရပါသည်။
(က) နိုင်ငံတကာလူသားချင်းစာနာထောက်ထားသော အကူအညီများအား တနင်္သာရီတိုင်းဒေသကြီး အပါအ၀င် နိုင်ငံအ၀ှမ်းတွင် ဖြန့်ဝေသည့်အခါ စစ်အုပ်စု သို့မဟုတ် စစ်အုပ်စုနှင့် ပတ်သက်ဆက် နွယ်နေ သော မည်သည့်အဖွဲ့စည်းနှင့်မျှ ပူးပေါင်းပေးအပ်ခြင်းမျိုး မလုပ်ရန်။
(ခ) ကုလသမဂ္ဂအေဂျင်စီများနှင့် နိုင်ငံတကာ NGO များသည် ဒေသခံလူထုအခြေပြု လူမှု အဖွဲ့အစည်း များ၊ တိုင်းရင်းသားလူထု လူမှုအဖွဲ့အစည်းများနှင့် တိုင်းရင်းသား ကျန်းမာရေးဝန်ဆောင်မှု ပေးသူများ နှင့် ပုံမှန်ဆက်သွယ်မှု၊ အကြံဉာဏ်ရယူမှုများ ပြုလုပ်ပြီး ကိုးဗစ်-၁၉ တုံ့ပြန်မှုများ အတွက်ပူးပေါင်း ဆောင်ရွက်မှုများကို နယ်စပ်ဖြတ်ကျော် လမ်းကြောင်းများမှတဆင့် ဆောင်ရွက်ရန်။
(ဂ) မြန်မာနိုင်ငံ၏ ကိုဗစ်-၁၉ ပြဿနာများအပေါ် အရေးတယူတုံ့ပြန် ဆောင်ရွက်မှုများအားကုလသ မဂ္ဂအတွင်းရေးမှူးချုပ်က ဦးဆောင် ဦးရွက်ပြုရန်။
(ဃ) စစ်တပ်၏အကြမ်းဖက်မှုများအဆုံးသတ်စေရန်၊မြန်မာနိုင်ငံ၏အခြေအနေကိုနိုင်ငံတကာ ရာဇဝတ် ခုံရုံး ICC သို့ လွဲပြောင်းရန်နှင့် ကမ္ဘာတစ်ဝှမ်းမှ စစ်ကောင်စီအား လက်နက်ပိတ်ဆို့မှု နှင့် ငွေကြေးစီး ဆင်းမှု ဖြတ်တောက်ခြင်း ပြုလုပ်ရန် ဆုံးဖြတ်ချက်ကို ကုလသမဂ္ဂလုံခြုံရေးကောင်စီက အမြန်ဆုံး ချမှတ်ရန်။
ပိုမိုသိလိုပါက ဆက်သွယ်ရန်
၁) မယ်စုစုဆွေ
အီးမေးလ်လိပ်စာ- [email protected]
၂) ဦးမိုးသူအောင်
အီးမေးလ်လိပ်စာ- [email protected]
၄င်းသုတေသန အစီရင်ခံစာပါတွေ့ရှိချက်များ တိုက်တွန်းအကြံပြုချက်များအား အောက်ပါ အရပ်ဘက်အဖွဲ့ အစည်းများ ကွန်ယက်ကြီးများအပါအ၀င် (၇၀) အဖွဲ့ နှင့် အမည်မ ဖော်လိုသည့် (၃၇) ဖွဲ့နှင့်အတူ တသီးပုဂ္ဂလ (၁၃) ဉီးတို့ သဘောတူထောက်ခံ တောင်းဆိုအပ်ပါသည်။ အစီရင်ခံအပြည့်အစုံအား footnote တွင်ကြည့်ရှုပါရန်။
လက်မှတ်ရေးထိုးထားသော အဖွဲ့အစည်းများ
Networks/Alliance groups/ Umbrella organization
International Organizations
Individuals’ activists
1) နော်မီရှဲ
2) Swe Wint Paing
3) Thiha Maung Maung (Freelance Trainer)
4) Dr. Arker Hein
5) Saw Lu Pway Doh
6) Chit Win Maung
7) Nickey Diamond (Human Rights Activist)
8) Khin Lin Lin Phyu (Singpore)
9) Ei Ei Chaw (Thailand)
10) Mi Sein (Thailand)
11) Mi Kun Chan Non (Mon Women Activist)
12) Thu Thu Mar (Edicational Activist)
13) Yar Zar Soe
Anonymous
37 Anonymous organizations endorsed.
28 February 2025
Asian NGO Network on National Human Rights Institutions , CSO Working Group on Independent National Human Rights Institution (Burma/Myanmar)
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.