“ကမ္ဘာကြီး သိပါစေ”
မြန်မာစစ်တပ်သည် အနှစ် ၇၀ ကျော်ကြာ ပြည်တွင်းစစ်တလျှောက် ရက်ရက်စက်စက် အကြမ်းဖက် နှိပ်ကွပ်ဖြိုခွင်းတတ်သည့် အစဉ်အလာရှိသည်။ နိုင်ငံတကာ အသိုင်းအဝိုင်း၊ အရပ်ဖက်အဖွဲ့အစည်းများ တိုင်းရင်းသားတော်လှန်ရေးအဖွဲ့အစည်းများနှင့် ကာလကြာရှည်စွာ ဆွေးနွေးညှိနှိုင်းနေသော်လည်း စစ်တပ်၏ လွဲမှားစွာ တည်ဆောက်ထားသည့် အတွေးအမြင်မှ ကျော်လွန်ပြီး ဆွေးနွေးဖက်များ၏ အသံကို နားထောင် လေ့မရှိပေ။စစ်အာဏာရှင်တို့သည် အရပ်သားပြည်သူများအပေါ် ရက်စက် ကြမ်းကြုတ်စွာ ကျူးလွန်နေကြပြီး နိုင်ငံတကာ ရာဇဝတ်မှုကို မရပ်မနား ချိုးဖောက်နေကြသည်။
လွန်ခဲ့သည့် တနှစ်ခန့် ၂၀၂၁ ခုနှစ် ဖေဖော်ဝါရီ ၁ ရက်နေ့တွင်မြန်မာစစ်တပ်သည် တိုတောင်းစွာ ရှင်သန်ခဲ့သည့် ဒီမိုကရေစီကာလကို ဖြိုချပစ်ခဲ့သည်။ စစ်တပ်သည် ဒီမိုကရေစီနည်းကျရွေးချယ်ခံရသည့် ခေါင်းဆောင်များကို ဖမ်းဆီးပြီး သက်သေမပြနိုင်သည့် “ရွေးကောက်ပွဲ မသမာမှုရှိသည်”ဟု ဆိုကာအာဏာ သိမ်းခဲ့သည်။ အကြောင်းပြချက်မှာ မခိုင်လုံဘဲ စစ်တပ်အနေဖြင့်အာဏာငန်းငန်းတက်ပြီး လူထုရွေးချယ် တင်မြှောက်ထားသည့်ကိုယ်စားလှယ်များထံမှ အတင်းအဓမ္မ လုယူခဲ့ခြင်းဖြစ်သည်။အာဏာသိမ်းပြီးသည့်နောက် စစ်အာဏာရှင်တပ်သည် မဆိုင်းမတွပင် လက်နက်တစုံတရာမရှိသည့် အပြစ်မဲ့ အရပ်သားပြည်သူများအား အကြမ်းဖက် တိုက်ခိုက်၍ လူ့အခွင့်အရေးချိုးဖောက်မှုများကို စနစ်တကျ ကျူးလွန်ခဲ့သည်။
အာဏာသိမ်းပြီးချိန်မှစပြီး မရေတွက်နိုင်သည့် ဆန့်ကျင်ဆန္ဒပြသူများ ဖြိုခွဲခံရခြင်း၊ အရပ်သား ပြည်သူများ နေအိမ်ပေါ်တွင်အသတ်ခံရခြင်းနှင့် ခုခံတိုက်ပွဲဝင်သူများအား လိုက်လံ နှိမ်နင်းခဲ့သည်။ စီးပွားရေးတည်ငြိမ်မှုမှာ စောက်ထိုးကျသွားသည့်အတွက်သန်းပေါင်းများစွာသော ပြည်သူလူထုကို ဆင်းရဲတွင်းနစ်စေ သည်။ တရားဥပဒေစိုးမိုးမှုနင့် အခြေခံလွတ်လပ်ခွင့်များမှာဆိတ်သုန်းသွားသည်။
ကရင်နီ (ကယား) ပြည်နယ်သည် မြန်မာနိုင်ငံရှိ ပြည်နယ်တခုဖြစ်ပြီး စစ်ဆင်ရေး တိုးမြှင့်တိုက်ခိုက်ခြင်း ခံနေရသည်။ ယခုပူးတွဲအစီရင်ခံစာအကျဉ်းကို ကရင်နီလူ့အခွင့်အရေးအဖွဲ့(KnHRG)နှင့်လူ့အခွင့်အရေးမှတ် တမ်းကွန်ရက် (မြန်မာနိုင်ငံ)တို့မှ အမည်မဖော်လိုသည့် ဒေသခံအမျိုးသမီးအဖွဲ့အစည်း တဖွဲ့၏ သတင်း အချက်အလက်များဖြင့် ပေါင်းစပ်၍ ကရင်နီ (ကယား) ပြည်နယ်၏ အခြေအနေ ကို သုံးသပ်တင်ပြထားခြင်းဖြစ်သည်။ ၂၀၂၁ ခုနှစ်မှ ဇန်နဝါရီ ၂၀၂၂ ခုနှစ်အထိ အဖြစ်အပျက် အနှစ်ချုပ် များကိုစစ်အာဏာရှင်တပ်များ၏ တိုက်ခိုက်ခြင်းကိုခံရသူများနှင့် ND-Burma မှ တွေ့ဆုံမေးမြန်းထားသည့် အချက်အလက်များနှင့်ပေါင်းစပ်ထားပါသည်။
Announcements
28 February 2025
Asian NGO Network on National Human Rights Institutions , CSO Working Group on Independent National Human Rights Institution (Burma/Myanmar)
Open letter: Removal of the membership of the dis-accredited Myanmar National Human Rights Commission from the Southeast Asia National Human Rights Institution Forum
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.