ကဗျာဆရာ ကိုကေဇဝင်း – စစ်ကိုင်းတိုင်း မုံရွာမြို့တွင် ကျဆုံးသွားသော နွေဦးတော်လှန်ရေးသူရဲကောင်း
04 March 2021
နွေဦးတော်လှန်ရေးသူရဲကောင်း ကဗျာဆရာကေဇဝင်း (ဓာတ်ပုံ – ကိုကေဇဝင်း FB မှ ကူးယူသည်။)
မုံရွာမြို့တွင် မတ်လ ၃ ရက်က ဘုရားနီ အနီး သပိတ်စစ်ကြောင်းကို ပစ်ခတ်နှိမ်နင်းရာတွင် ကျဆုံးသူများ ရှိခဲ့ပြီး တချို့ရုပ် အလောင်းများကို ယနေ့တွင် ပြန်လည်ထုတ်ပေးကာ နေ့ချင်းသဂြိုဟ်ရန် ဖိအားပေးမှုများ ရှိနေကြောင်း သိရသည်။
“အလောင်းက ပြန်ရလာပါပြီ။ ဘယ်အချိန် ဆုံးတယ်ဆိုတာ ကျနော်တို့ သေသေချာချာ မသိဘူး။ ပစ်ခံရလို့ မှန်သွားတာကို ကားပေါ်ကို ဆွဲတင်သွားတာ။ ပစ်ခံရတဲ့ နေရာမှာ ဆုံးသွားတဲ့ သဘောရှိပါတယ်။ အခုကတော့ မုံရွာမြို့ ဆားကျင်း သုဿာန်မှာ ရောက်နေပါပြီ။ မုံရွာမှာ ကျဆုံးတဲ့ အလောင်းတွေကို ဒီနေ့ ချရမယ်လို့ အာဏာပိုင်တွေက ပြောလိုက်တာ ရှိ တာကြောင့်ပါ” ဟု ကဗျာဆရာ ကေဇဝင်း၏ မိသားစုဝင် တဦးက ဧရာဝတီကို ပြောသည်။
ကဗျာ ကေဇဝင်းနှင့် ရှေ့ဆုံးမှ ဒိုင်းကာခဲ့သည့် ကျောင်းသားတဦး၏ ရုပ်အလောင်းကို ယနေ့ မနက် ၁၀ နာရီခန့်တွင် ပြန် ထုတ်ခွင့်ရလာပြီး ဆားကျင်း သုဿာန်သို့ ပို့ဆောင်ခဲ့ကြောင်း သိရသည်။
လူမှုကွန်ရက် Facebook ပေါ်တွင် ပစ်ခတ်ခံရသူ၂ ဦးကို စစ်တပ်နှင့်ရဲတပ်ဖွဲ့ဝင်များက တရွတ်တိုက် ဆွဲသွား၍ ကားပေါ် တင်သွားသည့် ဗီဒီယိုဖိုင်များ ပျံ့နှံ့လျက်ရှိသည်။
အဆိုပါ ဗီဒီယိုဖိုင်တွင် ဒရွတ်ဆွဲသွားသည့် သူတဦးမှာ ကဗျာဆရာ ကေဇဝင်း ဖြစ်ကြောင်း မိသားစုဝင်များက အတည်ပြု ပြောဆိုသည်။
ကဗျာဆရာ ကေဇဝင်း၏ အစ်ကိုဝမ်းကွဲ ဖြစ်သူက “သူ့ကိုထိတဲ့ ဒဏ်ရာကို ကြည့်ရတာကတော့ နားအနောက်ဘက် ဦး ခေါင်းကို ကျည်ထိတာ။ ကျနော့်ညီလိုပဲ ဘယ်သူမှ ဒီလို မဖြစ်စေချင်ဘူး။ အကြမ်းဖက်တာတွေ ရပ်တန့်စေချင်ပါပြီ” ဟု ပြောသည်။
ဗမာနိုင်ငံလုံးဆိုင်ရာ လူငယ်ကဗျာဆရာများ သမဂ္ဂ (ဗလကသ) ၏ သတင်းနှင့် ပြန်ကြားရေးတာဝန်ခံလည်း ဖြစ်သူ မုံရွာ မြို့နေ ကဗျာဆရာ ကိုကေဇဝင်း ၏ အမည်အရင်းမှာ ချမ်းသာဆွေ ဖြစ်ပြီး စစ်ကိုင်းတိုင်း ဆားလင်းကြီး လက်ပံတောင်းရွာ ဇာတိက ဖြစ်သည်။ ၎င်းသည် မဂ္ဂဇင်း၊ ဂျာနယ်များတွင် ကဗျာရေးသားခြင်း၊ ကလောင်ခွဲများဖြင့် နိုင်ငံရေးဆောင်းပါးများ ရေးသားခြင်းတို့အပြင် ကျောင်းသားလှုပ်ရှားမှုများနှင့် လက်ပံတောင်းအရေး လှုပ်ရှားမှုများတွင် ပါဝင်ခဲ့သဖြင့် အမှုဖွင့် ဖမ်း ဆီးခြင်းခံခဲ့ရသူလည်း ဖြစ်သည်။
ကဗျာဆရာကေဇဝင်း၏ လက်ရေးဖြင့် ဖွဲ့နွဲ့ခဲ့သော “မြိုင်”
ဧရာဝတီ ၏ မူရင်းပို့စ်ကို ဖတ်ရန်။
Announcements
28 February 2025
Asian NGO Network on National Human Rights Institutions , CSO Working Group on Independent National Human Rights Institution (Burma/Myanmar)
Open letter: Removal of the membership of the dis-accredited Myanmar National Human Rights Commission from the Southeast Asia National Human Rights Institution Forum
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.