CDM လှုပ်ရှားမှုတွင်ပါဝင်သော ဝန်ထမ်းများ၏ မူလတာဝန်နှင့် ရာထူးများကို ပြည်ေထာင်စုလွှတ်ေတာ်က ဥပဒေပြဌားန်ပြီး ကာကွယ်ပေးမည်
11 February 2021
ကြေညာချက် အမှတ် ( ၃၊၂၀၂၁ )
ဖေဖော်ဝါရီလ (၁၁)ရက်၊ ၂၀၂၁ခုနှစ်။
၁။ နိုင်ငံတော်၏ အချုပ်အခြာအာဏာသည် နိုင်ငံသားများထံမှဆင်းသက်ပြီး နိုင်ငံတော်တစ်ဝန်လုံး၌ တည်သည် ဟူသော ဖွဲ့စည်းပုံအခြေခံဥပဒေသဘောတရားအရ နိုင်ငံ၏ အချုပ်အခြာအာဏာကို လူတစ်စုက လက်နက် အားကိုးပြုလျက် အဓမ္မ သိမ်းပိုက်ထားချိန်တွင် အချုပ်အခြာအာဏာ၏ မူလပိုင်ရှင်ဖြစ်သော နိုင်ငံသားပြည်သူများ (နိုင်ငံ့ဝန်ထမ်းများအပါအဝင်)က အာဏာသိမ်းစစ်အုပ်စုအား အကြမ်းမဖက်သောနည်းဖြင့် ဆန့်ကျင်အာခံ ဖီဆန် ခြင်းသည် မိမိတို့၏ နိုင်ငံသားအခွင့်အရေးကို တရားနည်းလမ်းကျစွာ ခုခံကာကွယ်သည့် လှုပ်ရှားမှုဖြစ်သဖြင့် ဥပဒေနှင့် ညီညွတ်သော ဆောင်ရွက်ချက်ဖြစ်သည်ဟု မှတ်ယူရမည်။
၂။ အာဏာသိမ်း စစ်အုပ်စုသည် ၂၀၀၈ ခုနှစ် ဖွဲ့စည်းပုံ အခြေခံဥပဒေ အခန်း (၁၁) အရေးပေါ်ကာလဆိုင်ရာ ပြဋ္ဌာန်းချက်များ အခန်းပါ မည်သည့်ပုဒ်မနှင့်မျှ ညီညွတ်ခြင်းမရှိဘဲ ဖွဲ့စည်းပုံအခြေခံဥပဒေကို မျက်ကွယ်ပြု ချိုးဖောက်လျက် အဓမ္မ အာဏာ သိမ်းခြင်းဖြစ်သည့်အတွက် ဘယ်သောအခါမှ တရားဝင်အစိုးရအဖြစ် မှတ်ယူနိုင်မည်မဟုတ်ကြောင်း ပြည်ထောင်စုလွှတ်တော်ကိုယ်စားပြုကော်မတီ (CRPH) က ကြေညာချက် ထုတ်ပြန်ခဲ့ပြီး ဖြစ်သည်။
၃။ တရားမဝင်သည့် အာဏာသိမ်း အဖွဲ့အစည်းတစ်ခုအနေဖြင့် နိုင်ငံတော်၏ ဥပဒေပြုရေး၊ အုပ်ချုပ်ရေးနှင့် တရားစီရင်ရေး မည်သည့်အာဏာကိုမျှ ရယူကျင့်သုံးခွင့် မရှိပေ။
၄။ တရားမဝင် အာဏာသိမ်းစစ်အုပ်စုက နိုင်ငံ့ဝန်ထမ်းများအပါအဝင် ပြည်သူများအပေါ် သတ်မှတ်ပြဋ္ဌာန်းသော ဥပဒေ၊ အမိန့်၊ ညွှန်ကြားချက်တစ်စုံတစ်ရာသည် တရားဝင်မှုမရှိသည့်အတွက် ပြည်သူများအနေဖြင့် လက်ခံလိုက် နာစရာ လုံးဝမလိုအပ်ပေ။
၅။ Civil Disobedience Movement ပြည်သူများ၏ စစ်အာဏာရှင် ဆန့်ကျင်တိုက်ဖျက်ရေး လှုပ်ရှားမှု သည် နိုင်ငံ့အရေးဆောင်ရွက်ချက်သာဖြစ်ပြီး ပါတီနိုင်ငံရေးဆောင်ရွက်ခြင်း မဟုတ်သည့်အတွက် ၂၀၀၈ခုနှစ် ဖွဲ့စည်းပုံ အခြေခံဥပဒေပုဒ်မ ၂၆ ပုဒ်မခွဲ(က)နှင့်လည်း ငြိစွန်းခြင်းမရှိပါ။
၆။ ထို့ကြောင့် နိုင်ငံ့ဝန်ထမ်းများအားလုံးသည် Civil Disobedience Movement စစ်အာဏာရှင် ဆန့်ကျင်တိုက်ဖျက်ရေး လှုပ်ရှားမှုတွင် အပြည့်အဝ ပူးပေါင်းပါဝင်ဆောင်ရွက်ပေးကြပါရန်နှင့် ဤလှုပ်ရှားမှုတွင် ပါဝင်လျက်ရှိသော နိုင်ငံ့ဝန်ထမ်းများ၏ မူလအလုပ်တာဝန်ရာထူးများ တည်မြဲရေးအတွက် ဥပဒေပြဋ္ဌာန်းလျက် အပြည့်အဝအာမခံချက်ပေးသွားမည် ဖြစ်ပါကြောင်း ပြည်ထောင်စုလွှတ်တော်ကိုယ်စားပြုကော်မတီက သဘောထား ထုတ်ပြန်လိုက်သည်။
Announcements
04 April 2025
Myanmar: Human Rights Council condemns the junta, responds to the earthquake, and calls to end sale and supply of arms and jet fuel
31 March 2025
သတင်းထုတ်ပြန်ကြေညာချက် – မြန်မာနိုင်ငံရှိ ငလျင်ဒဏ်သင့် သက်ရှင်ကျန်ရစ်သူများနှင့် ထိခိုက်ခံစားရသည့် လူထုများအတွက် သဘာဝဘေးအန္တရာယ်ဆိုင်ရာ ကူညီကယ်ဆယ်ရေးအတွက် အရပ်ဘက်လူထုအဖွဲ့အစည်းများတောင်းဆို
30 March 2025
Press Statement: Civil society calls for disaster relief for earthquake survivors and affected communities in Myanmar
17 March 2025
အိတ်ဖွင့်ပေးစာ – အထူးကိုယ်စားလှယ်၏ အကျိုးစီးပွားဆိုင်ရာ ပဋိပက္ခရှိနေမှုက စုံစမ်းစစ်ဆေးမှုပြုလုပ်ရန် နှင့် ၎င်း၏လုပ်ပိုင်ခွင့်အာဏာကို အဆုံးသတ်ရန် အရေးတကြီးလိုအပ်နေမှုကို ဖော်ပြနေသည်
17 March 2025
Open letter: Special Envoy’s conflicts of interest signal urgent need for investigation and complete end of mandate
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.