ရခိုင်ပြည်တွင်း စစ်ပွဲများရပ်တန့်ရေးအတွက် ဆန္ဒပြခဲ့သည့်ကျောင်းသားများအား မတရားဖမ်းဆီး အရေးယူမှုများ အပေါ် ကန့်ကွက်ရှုတ်ချကြောင်း ကြေညာချက်

၄ ရက်၊ အောက်တိုဘာလ၊ ၂၀၂၀။

ရခိုင်ပြည်နယ်မြောက်ပိုင်းနှင့် ချင်းပြည်နယ် ပလက်ဝမြို့နယ်တို့တွင် ၂၀၁၉ ခုနှစ်အစောပိုင်းမှ စတင်၍ ပြည်တွင်းစစ် ဖြစ်ပွါးလျက်ရှိပါသည်။ အဆိုပါဒေသများတွင် ၂ဝ၁၈ခုနှစ် ဒီဇင်ဘာလမှ ၂၀၂၀ခုနှစ် အောက်တိုဘာလ ၂ ရက်နေ့အထိ စစ်ရေးနှင့်ဆက်နွယ်ပြီး အရပ်သားသေဆုံးမှု ၂၉၂ ဦးနှင့် ထိခိုက်ဒဏ်ရာရရှိမှု ၆၅၄ ဦးထိရှိလာပြီ ဖြစ်ကြောင်း RFA ၏ မှတ်တမ်းအချက်အလက်များအရ သိရှိရပါသည်။

ရခိုင်ပြည်နယ်အတွင်း ဖြစ်ပွါးလျက်ရှိသည့် တိုက်ပွဲများကြောင့် ဒေသခံ ပြည်သူ ၂ သိန်းကျော်မှာ အိုးအိမ်စွန့်ခွါ တိမ်းရှောင်နေရသည့် အခြေအနေဖြစ်သည်။ မြန်မာ့တပ်မတော် အနေဖြင့် အရပ်သားပြည်သူများ နေထိုင်သည့် ကျေးရွာများကို လက်နက်ကြီးဖြင့် ပစ်ခတ်ခြင်း၊ အရပ်သားပြည်သူများအား ဖမ်းဆီးစစ်ဆေးခြင်း တို့ကို ယခုကဲ့သို့ ကမ္ဘာလုံးဆိုင်ရာ ကပ်ရောဂါ ကိုဗစ် ၁၉ ဖြစ်ပွါးနေသည့် အချိန်တွင်ပင် ဆက်လက်ပြုလုပ်လျက် ရှိသည်ကို တွေ့ရှိရပါသည်။

အစိုးရအနေဖြင့် ရခိုင်ပြည်နယ်အတွင်း တစ်နှစ်ကျော်ကြာ အင်တာနက်ဖြတ်တောက်မှုပြုလုပ်ခဲ့ပြီး လက်ရှိအချိန် တွင်လည်း 2G အင်တာနက်သာ ပြန်လည်အသုံးပြုခွင့်ပေးထားသည့်အတွက် ပြည်သူများမှာ ကပ်ရောဂါကာလ အတွင်း လိုအပ်သည့် သတင်းအချက်အလက်နှင့် ကျန်းမာရေးအသိများ ရရှိနိုင်ရန်လည်း များစွာခက်ခဲလျက်ရှိပါသည်။

ရခိုင်ပြည်သူများခံစားနေရသည့် လူ့အခွင့်အရေးချိုးဖောက်ခံရမှုများနှင့် ကြပ်တည်းမှုများကို ဖော်ထုတ်ရန် နှင့် ကျန်းမာရေးအခြေအနေများ လက်လှမ်းမီရေးတို့အတွက် ရခိုင်ပြည် ကျောင်းသားများ သမဂ္ဂမှ ဦးဆောင်၍ စက်တင်ဘာလ ၁၀ရက် ၂၀၂၀ ခုနှစ်တွင် စစ်တွေမြို့၌ စတင် ဆန္ဒပြခဲ့ကြပါသည်။ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်(ဗ.က.သများအဖွဲ့ချုပ်)ကလည်း ရခိုင်ပြည်နယ် ကျောင်းသားများနှင့် သွေးစည်း ညီညွတ်ကြောင်း ပြသသည့်အနေဖြင့် ရန်ကုန်၊ မိတ္ထီလာ၊ မန္တလေး၊ မုံရွာ၊ သီပေါ၊ လွိုင်ကော်၊ ပြည် အစရှိသည့် မြို့များတွင် ဆန္ဒပြလှုပ်ရှားမှုများ၊ ပိုစတာကပ်စည်းရုံးလှုံ့ဆော်မှုများ အသီးသီးပြုလုပ်ခဲ့ကြပါသည်။ ထိုသို့ ပိုမိုကျယ်ပြန့် လာသည့် ကျောင်းသားလှုပ်ရှားမှုများကို အစိုးရက ပုဒ်မအမျိုးမျိုးတပ်ကာ ဖမ်းဆီးမှုများ ပြုလုပ်လာ သည်ကို တွေ့ရှိနေရပါသည်။

ကျောင်းသားများကို တရားစွဲဆိုရာတွင် ငြိမ်းစုစီဥပဒေအပြင် ရာဇသတ်ကြီးဥပဒေ ပုဒ်မ ၅၀၅(က)၊ (ခ) နှင့် သဘာဝဘေးအန္တရာယ်ဆိုင်ရာဥပဒေကိုလည်း အသုံးပြုလျက်ရှိပါသည်။ ကျောင်းသားများကို ဖမ်းဆီးရာတွင်လည်း ၄င်းတို့၏ နေအိမ်နှင့် ၄င်းတို့ရှိရာနေရာများ (တက္ကသိုလ်ပုရဝဏ်၊ ဘုန်းကြီးကျောင်း)သို့ ရဲနှင့် အရပ်ဝတ် အင်အား အများအပြားဖြင့် ရာဇဝတ်နှိမ်နင်းရေး စီမံချက်တခုကဲ့သို့ ဝင်ရောက် စီးနှင်းဖမ်းဆီးခြင်း၊ ဖမ်းဝရမ်းမပါဘဲ အင်အားသုံးခေါ်ယူခြင်းတို့ကို တရားလက်လွတ် ပြုမူဆောင်ရွက်နေကြသည်ကို တွေ့ရှိရပါသည်။ ၎င်းအပြင် စက်တင်ဘာ(၂၅)ရက်နေ့တွင် ဖမ်းဆီးခံခဲ့ရသည့် ဗကသ ဗဟိုအမှုဆောင်များဖြစ်သည့် ကိုကျော်သီဟရဲကျော် နှင့် ကိုစိုးလှနိုင် တို့အား အများပြည်သူနှင့် မိသားစုအား ကြိုတင်အကြောင်းကြားခြင်းမရဘဲ၊ တရားခွင်စစ်ဆေးမှုများ ကို အဆင့်တိုင်းဆောင်ရွက်မှုမရှိဘဲ အောက်တိုဘာလ (၂) ရက်နေ့တွင် ပုဒ်မ ၅၀၅ (က) နှင့် (ခ) နှစ်ရပ်ပေါင်း ထောင်ဒဏ် (၂)နှစ် ချမှတ်ခဲ့သည်။ ၎င်းတို့သည် သဘာ၀ဘေး စီမံဥပဒေနှင့် ငြိမ်းစုစီ ပုဒ်မများအား ဆက်လက် ရင်ဆိုင်သွားရဦးမည်ဖြစ်သည်။

သို့သော် အခြားတစ်ဖက်တွင် အာဏာရပါတီအပါအဝင် တပ်မတော်ကျောထောက်နောက်ခံ နိုင်ငံရေး ပါတီများ နှင့် နိုင်ငံရေး ပါတီအချို့၏ ထောက်ခံသူများအနေဖြင့် ရွေးကောက်ပွဲ မဲဆွယ်စည်းရုံးရေး နှင့် အင်အားပြ လှုပ်ရှားမှုများကို လူအင်အားထောင်ဂဏန်းခန့်ဖြင့် လုပ်ဆောင်နေကြသော်လည်း အစိုးရ အနေဖြင့် အရေးယူခြင်း မရှိသည့်အပြင် ထောက်ခံသူများကို အရေးယူရန် ခက်ခဲကြောင်း တရားဝင်ထုတ်ဖော်ပြောကြားထားသည်ကို စိတ်ပျက်ဖွယ်တွေ့ရှိရပါသည်။

ပြည်သူလူထုအား ဒုက္ခကြီးမားစွာ ကျရောက်စေသော ပြည်တွင်းစစ်ပွဲများ ရပ်ဆိုင်းရေးအတွက် ငြိမ်းချမ်းစွာ ဆန္ဒထုတ်ဖော် လှုပ်ရှားခဲ့သော ကျောင်းသားများအား အစိုးရမှ ယခုကဲ့သို့ မတရား ဖမ်းဆီး ချုပ်နှောင်ခြင်း၊ နေအိမ်များ၊ တက္ကသိုလ်များကို ဝင်ရောက်စီးနင်း ဖမ်းဆီးခြင်းများသည် အခြေခံလူ့ရပိုင်ခွင့်များ အား ပြောင်ပြောင်တင်းတင်း ချိုးဖောက်နေခြင်းဖြစ်ပါသည်။

အဆိုပါ မတရားဖမ်းဆီးမှုများကို မိမိတို့အရပ်ဘက်အဖွဲ့အစည်းများအနေဖြင့် အပြင်းအထန် ကန့်ကွက် ရှုတ်ချလိုက်ပြီး ဖမ်းဆီးထားသော ကျောင်းသားများအား ခြွင်းချက်မရှိ ချက်ချင်း ပြန်လွှတ်ပေးရန် နှင့် ၎င်းတို့အား အရေးယူထားသည့် ပုဒ်မများအား အမြန်ဆုံးရုပ်သိမ်းပေးပါရန် တောင်းဆိုလိုက်သည်။
ထို့ပြင် အစိုးရနှင့် တပ်မတော်အနေဖြင့် ရခိုင်ပြည်နယ်အပါအဝင် နိုင်ငံတဝန်းလုံးတွင် ခြွင်းချက်မရှိ အပစ်အခတ်ရပ်စဲရေး ကြေညာ၍ နိုင်ငံရေးဆွေးနွေးမှုနည်းလမ်းများဖြင့်သာ နိုင်ငံရေးပြဿနာများ ကို ဖြေရှင်း လုပ်ဆောင်ရန်လည်း အလေးအနက် တိုက်တွန်းလိုက်သည်။

ဆက်သွယ်ရန်

မမွန်ရည်ကျော်(Nyan Lynn Thit Analytica) – 09784043478

မောင်ဆောင်းခ(အသံအဖွဲ့) – 09773937273

ကိုမိုဃ်းသွေး(Generation Wave) – 09979238220

မသဉ္ဇာရွှန်းလဲ့ရည်(ACDD) – 09795574775

ပါဝင်ကြသည့်အရပ်ဘက်အဖွဲ့အစည်းများ

၁။ အသံ – လွတ်လပ်စွာထုတ်ဖော်ပြောဆိုခွင့်လှုပ်ရှားမှုအဖွဲ့

၂။ Myanmar Free Press

၃။ Synergy – လူမှုသဟဇာတဖော်ဆောင်ရေးအဖွဲ့

၄။ Genuine People’s Servants – GPS

၅။ Nyan Lynn Thit Analytica

၆။ The Wings Institute for Reconciliation

၇။ Myanmar Cultural Research Society (MCRS)

၈။ Oway Education and Youth Institute

၉။ Action Committee for Democracy Development

၁၀။ Generation Wave

၁၁။ Myanmar People’s Alliance (Shan State)

၁၂။ Progressive Voice

၁၃။ Center for Social Integrity- CSI

၁၄။ Kanpetlet Land Development Organization

၁၅။ Uakthon Local Social Development Organization

၁၆။ Golden Heart Organization

၁၇။ Hkumzup Development Committee

၁၈။ Open Development Foundation

၁၉။ ပေါင်းကူး

၂၀။ ဧရာဝတီ လူငယ် ကွန်ရက်

၂၁။ ဒို့မြေကွန်ရက်(Land In Our Hands)

၂၂။ Farmers And Land Rights Action Group

၂၃။ Shwechinthae Farmers Network

၂၄။ Waingmaw CSO Network

၂၅။ Chin Women Development Organization

၂၆။ Chin MATA Working Group

၂၇။ Chin Resources Center

၂၈။ Chinland Natural Resources Group

၂၉။ Justice Movement for Community – Innlay

၃၀။ Shan Women Development Network

၃၁။ မိတ္ထီလာခရိုင် အလင်းတန်းအဖွဲ့၊

၃၂။ ရွှေတောင်တိုက်နယ်တောင်သူ့အားမာန် ဝမ်းတွင်းမြို့နယ် အဖွဲ့

၃၃။ ရွှေတြိဂံ တောင်သူလယ်သမားအဖွဲ့

၃၄။ Zinlum Committee (Tanphaye)

၃၅။ ရွှေမင်းသား ဖောင်ဒေးရှင်း

၃၆။ The Seagull: Human Rights, Peace & Development

၃၇။ Thuriya Sandra Environmental Watch Group

၃၈။ MATA စစ်ကိုင်းတိုင်း

၃၉။ Civil Call

၄၀။ Free & Fair Youth (Chaung Oo)

၄၁။ IFI Watch Myanmar

၄၂။ Rakha Strength Social Development Organization

၄၃။ Mro Youths Development Association

၄၄။ Women of Indigenous Network (WIN-Chin)

၄၅။ Helping Hand Organization

၄၆။ ခြေလှမ်းသစ်အဖွဲ့ (မကွေး)

၄၇။ Rakhine Youth New Generation – Network

၄၈။ Thazin- Legal Aid Group

၄၉။ ရက္ခိုင်ရှေ့နေများကောင်စီ

၅၀။ Chin Land Affair Network (CLAN)

၅၁။ Mwe Taung Area Development Group

၅၂။ KRDA Kyaukphyu Rural Development Association

၅၃။ မန္တလေး လူထုနေရာ

၅၄။ Area Peace and Development Forward

၅၅။ SKY-Youth, Kyaukphyu

၅၆။ Ayeyarwaddy West Development Organization – AWDO (Magway Region)

၅၇။ Pwintphyu Development Organization.

၅၈။ Ayeyarwaddy West Development Organization – AWDO (Nagphe)

၅၉။ လွတ်လပ်သောအရှိုချင်းများအင်အားစု

၆၀။ Democratic Education Corner

၆၁။ NNER National Network for Education Reform

၆၂။ Action Group for Farmers Affair (AGFA) (မန္တလေးတိုင်း)

၆၃။ Action Group for Farmers Affair (AGFA) (စစ်ကိုင်းတိုင်း)

၆၄။ Action Group for Farmers Affair (AGFA) (မကွေးတိုင်း)

၆၅။ Action Group for Farmers Affair (AGFA) (ဧရာဝတီတိုင်း)

၆၆။ Action Group for Farmers Affair (AGFA) (ပဲခူးတိုင်း)

၆၇။ စိမ်းရောင်စို (တံတားဦး)

၆၈။ ဝါးစိမ်းတောင်ကာကွယ်စောင့်ကြည့်ရေးကော်မတီ (WPWC)

၆၉။ အလုပ်သမားသမဂ္ဂများ ပူးပေါင်းဆောင်ရွက်ရေး ကော်မတီ

(CCTU – Cooperating Committee of Trade Unions)

၇၀။ Olive Organization

၇၁။ မြန်မာနိုင်ငံကျောင်းသားလူငယ်များကွန်ဂရက်(SYCB)

1. All Arakan Students’ and Youths’ Congress (AASYC)

ရခိုင်ပြည်လုံးဆိုင်ရာ ကျောင်းသားနှင့်လူငယ်များကွန်ဂရက်

2. All Burma Students’ Democratic Front (ABSDF)

မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး

3. All Kachin Youth Union (AKYU)

ကချင်တစ်မျိုးသားလုံးဆိုင်ရာ လူငယ်များသမဂ္ဂ

4. Kayan New Generation Youth (KNGY)

ကယန်းမျိုးဆက်သစ်လူငယ်

5. Kuki Students Democratic Front (KSDF)

ကူကီးကျောင်းသားများဒီမိုကရက်တစ်တပ်ဦး

6. Karen Youth Organization (KYO)

ကရင်လူငယ်အစည်းအရုံး

7. Mon Youth Progressive Organization (MYPO)

တိုးတက်သောမွန်လူငယ်များအစည်းအရုံး

8. Pa-O Youth Organization (PYO)

ပအိုဝ်းလူငယ်အစည်းအရုံး

9. Ta’ang Students and Youth Organization (TSYO)

တအာင်းကျောင်းသားနှင့်လူငယ်များအဖွဲ့အစည်း

10. Tavoyan Youth Organization (TYO)

ထားဝယ်လူငယ်အစည်းအရုံး

11. Zomi Students and Youth Organization (ZSYO)

ဇိုမီးကျောင်းသားလူငယ်များအဖွဲ့အစည်း

၇၂။ Bee House

၇၃။ Community Response Group (ComReG)

၇၄။ Alin Sae Taman Library & Resource Center

၇၅။ Citizen’s Action for Transparency (CAFT)

၇၆။ Peace and Rule of Law Acceleration Network (PRLAN)

၇၇။ Future Light Center (FLC)

မူရင်းသတင်းထုတ်ပြန်ချက်ကိုကြည့်ရန်။

၎

င

၎

င

၎

Quick Links

Social Links

Contact & Newsletter