ရပ်ကွက် (သို့မဟုတ်) ကျေးရွာအုပ်ချုပ်ရေးဥပဒေကို ပြန်လည်ပြင်ဆင်ရန် အရပ်ဘက် လူ့အဖွဲ့အစည်းနှစ်ခုက စာတမ်း တိုထုတ်၍ တောင်းဆိုသည်။

ရန်ကုန်မြို့ Orchid ဟိုတယ် ၌ မေလ ၁၃ ရက်က ကျင်းပသည့် ‘အခြေခံလူတန်းစား၏ ဒီမိုကရေစီရပ်ကွက် (သို့မဟုတ်)ကျေးရွာအုပ်စုအုပ်ချုပ်ရေးဥပဒေအား သုံးသပ်ခြင်း’စာတမ်းတို မိတ်ဆက်ပွဲတွင် ယင်းသို့ ထုတ်ပြန်ကြေညာခဲ့သည်။

‘‘လူထုကြိုက်နှစ်သက်လို့ ရပ်ကွက်အုပ်ချုပ်ရေးမှူးကို ရွေး ချယ်တယ်ဆိုပေမယ့် နောက်ဆုံး မှာ ထွေအုပ်ရဲ့ အောက်ကိုရောက် သွားတယ်။ ထွေအုပ်ရဲ့ အောက် ကိုရောက်သွားတာဟာ စစ်အုပ် ချုပ်ရေးရဲ့ အောက်ကို ရောက် သွားတာပါ။ ဒါကြောင့် ဒီဥပဒေ သည် ဒီမိုကရေစီစံနှုန်းအရ မ ကိုက်ညီဘူး’’ဟု ဒီမိုကရေစီဖွံ့ဖြိုး တိုးတက်ရေးလှုပ်ရှားဆောင်ရွက် မှုကော်မတီအဖွဲ့ဝင် ဦးဆန်းဦးက ပြောသည်။

ရပ်ကွက် (သို့မဟုတ်) ကျေး ရွာအုပ်ချုပ်ရေးဦးစီးဌာနကို ပြုပြင်ပြောင်းလဲခြင်းသည် မည်သို့ပင် ဖြစ်စေ သာမန်နိုင်ငံသားများအ နေဖြင့် ၎င်းတို့၏ ဒီမိုကရေစီအခွင့် အရေးများကို ကျင့်သုံးနိုင်မည့် ယန္တရားအဆောက်အအုံနှင့် ဖြစ် စဉ်ကို ဖန်တီးနိုင်ပြီး ဒေသန္တရ အစိုးရအုပ်ချုပ်မှုများ ဖွံ့ဖြိုးတိုး တက်မှုအတွက်လည်း အရေးပါ လှကြောင်း စာတမ်းတွင်ဖော်ပြ ထားသည်။

ရပ်ကွက်ကျေးရွာအုပ်ချုပ် ရေးမှူးဥပဒေပုဒ်မ ၆ တွင် မြို့နယ်အုပ်ချုပ်ရေးမှူးသည် ရပ်ကွက် (သို့မဟုတ်) ကျေးရွာအုပ်ချုပ်ရေး မှူးရွေးချယ်ရာတွင် ကြီးကြပ်နိုင် ရေးအတွက် ရပ်ကွက် (သို့မဟုတ်)ကျေးရွာအုပ်စုအတွင်း နေထိုင်သူ များက ရွေးချယ်ပေးထားသော ယင်းတာဝန်ကို ထမ်းဆောင်ရန် ဆန္ဒရှိသည့် ရပ်မိရပ်ဖ ငါးဦးကို တာဝန်ပေးရမည်ဟု ပါရှိသည်။ သို့သော် မြို့နယ်အုပ်ချုပ်ရေးမှူးများသည် ပြည်သူက ရွေးချယ်မှုခံယူထားသူများမဟုတ်ဘဲ အထွေထွေအုပ်ချုပ်ရေးဦးစီးဌာနက ခန့်အပ်ထားသူများဖြစ်နေသည်ဟု စာတမ်းထုတ်ပြန်ချက်တွင် ပါရှိသည်။

ထို့အပြင် ရပ်ကွက်အုပ်ချုပ် ရေးမှူးရွေးချယ်ရာတွင် အနိမ့်ဆုံး အသက် (၂၅) နှစ် သတ်မှတ်ထားခြင်းကို (၁၈) နှစ်သို့ လျှော့ချနိုင်ရေး ၎င်းတို့က တောင်းဆိုသည်။‘‘ရပ်ကွက်၊ ကျေးရွာအုပ်စု အုပ်ချုပ်ရေးမှူးများကို ရွေးချယ် တဲ့ လုပ်ထုံးလုပ်နည်းအဆင့်ဆင့် တွေကို အရိုးရှင်းဆုံးဖြစ်အောင် လုပ်ဆောင်ဖို့နဲ့ လုပ်ထုံးလုပ်နည်း များကို ပြည်သူတွေ ကျယ်ပြန့်စွာ သိရှိစေဖို့ဆောင်ရွက်သွားကြဖို့ လည်း လိုအပ်ပါတယ်’’ဟု အရပ်ဘက်အဖွဲ့အစည်းတစ်ခုဖြစ် သော ရှေ့ပြေးအသံအဖွဲ့မှ ဦးအောင်ခိုင်မင်းက ပြောသည်။

ရပ်ကွက် (သို့မဟုတ်) ကျေး ရွာအုပ်စု အုပ်ချုပ်ရေး ဥပဒေကို ၂၀၁၂ က စတင်ပြဋ္ဌာန်း အတည် ပြုခဲ့ပြီး ဥပဒေကို နှစ်ကြိမ်ပြင်ဆင် ခဲ့ကာ ၂၀၁၆ ဒီဇင်ဘာတွင် ပြင် ဆင်ပြဋ္ဌာန်းသည်။

This article originally from the 7Day Daily.