မြန်မာအရပ်ဘက်လူထုအဖွဲ့အစည်းများမှ ကုလသမဂ္ဂလုံခြုံရေးကောင်စီသို့ ပေးပို့သော  အိတ်ဖွင့်ပေးစာ

၂၀၂၁ ခုနှစ် ဖေဖော်ဝါရီလ ၁၂ ရက်နေ့

လေးစားရပါသော လုံခြုံရေးကောင်စီဥက္ကဌနှင့် အဖွဲ့ဝင်များ ရှင့်/ခင်ဗျား

မြန်မာနိုင်ငံ၏ နိုင်ငံရေးအကျပ်အတည်းကို တုံ့ပြန်ဖြေရှင်းရန်နှင့် ပါဝင်ပတ်သက်သူများအားလုံးအကြား ကြားဝင်ညှိုနှိုင်းဖြန့်ဖြေပေးရန် နှင့် အလျင်အမြန်ပြောင်းလဲနေသော မြေပြင်အခြေအနေတွင် ပြည်သူလူထုအား ကာကွယ်ပေးရန်အတွက် မြန်မာနိုင်ငံသို့ ကိုယ်စားလှယ်အဖွဲ့စေလွှတ်ခြင်းအပါအဝင် အရေးပေါ်စောင့်ကြည့်လေ့လာမှုနှင့် ဝင်ရောက်စွက်ဖက်မှုများ လုပ်ဆောင်ရန် ကုလသမဂ္ဂလုံခြုံရေးကောင်စီအား အောက်တွင်လက်မှတ်ရေးထိုးထားသော မိမိတို့ မြန်မာအရပ်ဘက်လူထုအဖွဲ့အစည်း (၁၇၇) ဖွဲ့မှ တောင်းဆိုလိုက်သည်။ မြန်မာနိုင်ငံတွင် အရေးပေါ်အခြေအနေ ကြေညာလိုက်ခြင်းအပေါ် စိုးရိမ်မှုရှိခြင်းနှင့် ဖမ်းဆီးထိန်းသိမ်းခံထားရသူများ ပြန်လွတ်ပေးရေး တောင်းဆိုချက်ပါဝင်သော ကုလသမဂ္ဂလုံခြုံရေးကောင်စီ၏ ကြေညာချက်ကို မိမိတို့မှ ကြိုဆိုပြီး မြန်မာနိုင်ငံရှိ အရပ်သားပြည်သူများအတွက် အထောက်အကူဖြစ်စေရန် နှင့် ဒေသတွင်းတည်ငြိမ်ရေးနှင့် ကမ္ဘာ့ငြိမ်းချမ်းရေးကို အာမခံချက်ရှိစေရန်အတွက် ခိုင်မာသောလုပ်ဆောင်မှုများ ဆက်လက်လုပ်ဆောင်သွားရန် မိမိတို့မှ တိုက်တွန်းတောင်းဆိုလိုက်သည်။

ယခုစစ်တပ်အာဏာသိမ်းမှုကို မြန်မာပြည်သူများမှ ပြတ်ပြတ်သားသား ကန့်ကွက်ဆန့်ကျင်က်ဆန္ဒပြနေကြသည်။ မြန်မာစစ်တပ်သည် ၂၀၀၈ ခုနှစ် ဖွဲ့စည်းပုံအခြေခံဥပဒေအရ အရေးပါသည့် နိုင်ငံရေးဩဇာအာဏာကို တစ်စုံတစ်ရာ အတိုင်းအတာအထိ ထိန်းချုပ်ရရှိထားပြီးဖြစ်သော်လည်း ယခုအခါ အာဏာရပ်အလုံးစုံကို ထိန်းချုပ်ထားလိုက်ပြီ ဖြစ်သည်။ စစ်အာဏာသိမ်းမှုကို ဆန့်ကျင်ကန့်ကွက်သည့် လမ်းပေါ်ရှိ သန်းပေါင်းများစွာသော ပြည်သူများသည် ငြိမ်းချမ်းစွာ ဆန္ဒပြခြင်းဖြင့် အထွေထွေသပိတ်ကြီးကို ဆင်နွှဲလျက်ရှိသည်။ နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) ၏ စာရင်းအရ စစ်အာဏာသိမ်းသည့်အချိန်မှစ၍ လူပေါင်း (၂၂၀) ဦး ထိန်းသိမ်းခံထားရပြီဖြစ်သော်လည်း အလုပ်သမားများ၊ ကျောင်းသူကျောင်းသားများ၊ လူငယ်အုပ်စုများ၊ LGBTIQ အသိုင်းအဝိုင်းများ၊ ဘာသာရေးနှင့် တိုင်းရင်းသား လူနည်းစုများ၊ နှင့် ကျန်းမာရေးလုပ်သားများ၊ ကျောင်းဆရာဆရာမများ၊ လေဆိပ်ဝန်ထမ်းများ၊ အကောက်ခွန်နှင့် ရဲအရာရှိများအပါအဝင် ပြည်သူ့ဝန်ဆောင်မှုကဏ္ဌမှ ဝန်းထမ်းအများအပြားနှင့်အတူ အလွှာပေါင်းစုံမှ ပြည်သူလူထုများက ငြိမ်းချမ်းစွာဆန္ဒထုတ်ဖော်မှုများတွင် ရဲရင့်စွာ ပူးပေါင်းပါဝင်နေကြသည်။ ယခုကဲ့သို့ နိုင်ငံအနှံ့ ငြိမ်းချမ်းသောလူထုလှုပ်ရှားမှုသည် အတိတ်ကာလ စစ်အုပ်ချုပ်ရေးစနစ်အောက်သို့ ပြန်မသွားလိုသည့် ပြည်သူများ၏ ပြင်းထန်သော ရပ်တည်ချက်ကို ဖော်ပြနေခြင်းလည်း ဖြစ်သည်။

ပြည်သူလူထုသည် ၎င်းတို့၏ ငြိမ်းချမ်းစွာစုဝေးခွင့် အခွင့်အရေးကို ကျင့်သုံးနေသော်လည်း အကြမ်းဖက်မှု၊ နှောင့်ယှက်စော်ကားမှု၊ အကြမ်းဖက်ဖမ်းဆီးမှု နှင့် ခြိမ်းခြောက်မှုများနှင့် ကြုံတွေ့နေရပြီး စိုးရိမ်ဖွယ် မြင့်မားလာသော အခြေအနေတွင် ရှိနေခြင်းကြောင့် မိမိတို့အနေဖြင့် အလွန်ပင် စိုးရိမ်ပူပန်မိပါသည်။ နေပြည်တော်တွင် အမျိုးသမီးငယ်တစ်ဦးဖြစ်သော မြသွဲ့သွဲ့ခိုင်အား ချိန်ရွယ်၍ ကျည်အစစ်ဖြင့် ပစ်ခတ်ခဲ့သဖြင့် ဦးခေါင်းထိမှန်ခဲ့သည်။ ၎င်းသည် ယခုအချိန်တွင် အလွန်စိုးရိမ်ရသော အခြေအနေတွင် ရှိနေပြီး အသက်ကယ်အထောက်အကူဖြင့် အထူးကြပ်မတ်ကုသမှုကို ခံနေရသည်။ ရာဘာကျည်ဆံများဖြင့် အနီးကပ်ပစ်ခတ်ခြင်း၊ ရေအမြောက်များဖြင့်လည်း အနီးကပ်ထိုးပက်မှုများ လုပ်ဆောင်ခြင်းကြောင့် ငြိမ်းချမ်းစွာဆန္ဒပြသူများကို ပြင်းပြင်းထန်ထန် ဒဏ်ရာရရှိစေသည်။

နောက်ထပ်စိုးရိမ်ဖွယ်ကောင်းသည်မှာ စစ်တပ်ထောက်ခံသော တန်ပြန်ဆန္ဒပြသူများနှင့် ငွေပေးငှားရမ်းထားသော ကြေးစားလူမိုက်ဂိုဏ်းများသည်လည်း အကြမ်းဖက်မှုဖြစ်စေရန် လှုံ့ဆော်နေကြသည်။ နိုင်ငံအနှံ့ရှိ အနည်းဆုံး မြို့နယ် ၈၉ မြို့နယ်တွင် ညမထွက်ရအမိန့်ကို ကြေညာထားပြီး လူငါးဦးထက် ပိုပြီး မစုရန်လည်း ကန့်သတ်ထားသည်။ ထို့အပြင် တရားမဝင်အာဏာသိမ်းထားသော စစ်တပ်အား အကြောင်းအရာအချက်အလက်များ ပိတ်ပင်နိုင်ရန်နှင့် သတင်းအချက်အလက်များ ကြားဖြတ်ရယူမှုကို ခွင့်ပြုထားသည့် ဆိုက်ဘာလုံခြုံရေးဥပဒေကို စစ်တပ်က အဆိုပြုထားပြီး ယင်းက အင်တာနက် ဝန်ဆောင်မှုပေးသော ကုမ္ပဏီများအပေါ် ကန့်သတ်မှုအသစ်များ ချမှတ်ရန်လည်း ခွင့်ပြုထားသည်။ ၎င်းဥပဒေသစ်အောက်တွင် အရေးယူခံရသူများသည် ထောင်ဒဏ် ၃ နှစ်ဖြစ်စေ၊ အမေရိကန် ဒေါ်လာ ၇,၅၀၀ နှင့် ညီမျှသောငွေဒဏ် သိန်းတစ်ရာဖြစ်စေ၊ ဒဏ်နှစ်ရပ်လုံးဖြစ်စေ ကျခံရနိုင်မည် ဖြစ်သည်။

ဆယ်စုနှစ်ပေါင်းများစွာ ပြည်တွင်းစစ်နှင့် မြန်မာစစ်တပ်က ကျူးလွန်သော ရက်စက်ကြမ်းကြုတ်မှုနှင့် စနစ်တကျ လူ့အခွင့်အရေးချိုးဖောက်မှုများကို ကြုံတွေ့ခံစားခဲ့ကြရသည့် မြန်မာနိုင်ငံရှိ တိုင်းရင်းသား ပြည်သူများသည်လည်း မြို့များ၊ ရွာများ နှင့် မြန်မာစစ်တပ်၏ တပ်စခန်းရှေ့များတွင် မကြောက်မရွံ့ ဆန္ဒပြပွဲများ ပြုလုပ်ခဲ့ပြီး အခြေခံကျသော နိုင်ငံရေးပြောင်းလဲမှုများကို တောင်းဆိုကြသည်။ ယခု စစ်တပ်အာဏာသိမ်းမှုကြောင့် လူသားချင်းစာနာထောက်ထားမှု အကူအညီများအပေါ် နောက်ထပ်ကန့်သတ်မှုများ ပိုမိုဖြစ်လာနိုင်ခြေ ရှိသည့်အတွက် ပဋိပက္ခသက်ရောက်မှုဒဏ်ခံရသည့် နေရပ်စွန့်ခွာထွက်ပြေး တိမ်‌ရှောင်ရသူ တိုင်းရင်းသားပြည်သူများအတွက် ယင်းတောင်းဆိုမှုများသည် အလွန်ပင် အရေးကြီးပါသည်။ မြန်မာနိုင်ငံရှိ ပြည်သူများအားလုံး အတူတကွစုစည်းပြီး စစ်တပ်မှ ရေးဆွဲထားသော ၂၀၀၈ ဖွဲ့စည်းပုံအခြေခံဥပဒေကို ပြောင်းလဲပစ်ရန်နှင့် ဖက်ဒရယ်ဒီမိုကရေစီကို တည်‌ထောင်ရန် ယခုကဲ့သို့သော ရှားပါးတောင်းဆိုချက်သည် မြန်မာနိုင်ငံ၏ အနာဂါတ်အတွက် ကြီးမားသော မျှော်လင့်ချက်ကို ဖြစ်ပေါ်စေသည်။

သို့ရာတွင် ငြိမ်းချမ်းစွာဖြင့် လုပ်ဆောင်နေလျက်ရှိသော လူထုဆန္ဒပြပွဲများကို မြန်မာစစ်တပ်မှ အကြမ်းဖက်ဖြိုခွဲခြင်းဖြင့် အမြဲတစေ ဖြေရှင်းခဲ့သည်။ စစ်အာဏာသိမ်းမှုကို ဦးဆောင်ခဲ့သော ကာကွယ်ရေးဦးစီးချုပ် မင်းအောင်လှိုင်နှင့် စစ်တပ်ခေါင်းဆောင်များသည် ရိုဟင်ဂျာများနှင့် အခြားသော တိုင်းရင်းသားနှင့် ဘာသာရေး လူနည်းစုများအပေါ် ဆယ်စုနှစ်ပေါင်းများစွာ ကျူးလွန်နေခဲ့သည့် ဆိုးရွားလှသော နိုင်ငံတကာရာဇဝတ်မှုများကို အပြစ်ပေးအရေးယူခံရခြင်း လုံးဝမရှိဘဲ ကျူးလွန်ခဲ့သော သူများလည်းဖြစ်သည်။ ၎င်းစစ်ခေါင်းဆောင်များသည် မြန်မာပြည်သူများ၏ အခြေခံကျသော အခွင့်အရေးများကို ဆက်လက်ချိုးဖောက်နေပြီး ပြည်သူလူထုအပေါ် နောက်ထပ်ရာဇဝတ်မှုများ ကျူးလွန်နေခြင်းကို လုံခြုံရေးကောင်စီအနေဖြင့် လက်ပိုက်ကြည့် မနေသင့်ပေ။ ယခုလက်ရှိအခြေအနေသည် ရှေ့မတိုး နောက်မဆုတ်နိုင်သည့်အခြေအနေဖြစ်နေပြီး လူထုလှုပ်ရှားမှုများကို မြန်မာစစ်တပ်မှ ဥပဒေနှင့်မညီဘဲ အလွန်အကျွံအင်အားသုံး အကြမ်းဖက်ဖြိုခွဲမှုဖြင့် အဆုံးသတ်မည်ကို မိမိတို့မှ စိုးရိမ်ပူပန်သည်။ တစ်ချိန်တည်းတွင် မိမိတို့၏သမိုင်းကို အလှည့်အပြောင်းဖြစ်စေမည့် အခြေခံကျသော ဆုံမှတ်တစ်ခုတွင် ပြည်သူများအနေဖြင့် လက်လျှော့အရှုံးပေးရန် အဆင်သင့်မဖြစ်ကြချေ။ ထို့ကြောင့် လုံခြုံရေးကောင်စီ၏ ပြတ်သားသော အရေးပေါ်လုပ်ဆောင်မှု ဆုံးဖြတ်ချက်သည် မြန်မာပြည်သူများအတွက်သာမက ဒေသတွင်း တည်ငြိမ်ရေးနှင့် ကမ္ဘာ့ငြိမ်းချမ်းရေးအတွက်လည်း အလွန်ပင်အရေးကြီးပါသည်။

မိမိတို့မှ ကုလသမဂ္ဂလုံခြုံရေးကောင်စီကို အောက်ပါအချက်များ လုပ်ဆောင်ပေးရန် အရေးတကြီး တောင်းဆိုလိုက်သည်။

  • မြန်မာနိုင်ငံမြေပြင်ရှိ မြန်ဆန်စွာဖြစ်ပေါ်ပြောင်းလဲနေသော အခြေအနေများကို စောင့်ကြည့်လေ့လာရန်နှင့် သက်ဆိုင်သူအားလုံးအကြား စေ့စပ်ညှိုနှိုင်းမှု ဆောင်ရွက်နိုင်ရန်အတွက် အားကောင်းသော စောင့်ကြည့် လေ့လာမှုနှင့် ကြားဝင်ဖြန့်ဖြေရေး ကိုယ်စားလှယ်အဖွဲ့ အရေးတကြီး စေလွှတ်ရန်၊
  • လူသားချင်းစာနာထောက်ထားမှုအကူအညီနှင့် COVID ကယ်ဆယ်ရေး အစီအစဉ်များသည် ပဋိပက္ခသက်ရောက်မှုဒဏ် ခံရသည့် ထိခိုက်အလွယ်ဆုံးသော၊ ဘေးဖယ်ကျဥ်ခံထားရသော လူထုအသိုင်းအဝိုင်းများအတွက် ရည်ရွယ်ထားသည့်အတိုင်း အကျိုးရှိစွာ အသုံးပြုခြင်း ရှိ၊ မရှိ သေချာစေရေး စောင့်ကြည့်လေ့လာရန်၊
  • ဖက်ဒရယ်ဒီမိုကရက်စီ ပြည်ထောင်စု ထူထောင်ခြင်း၊ ရေရှည်တည်တံ့ခိုင်မြဲသော ငြိမ်းချမ်းရေး၊ လူမျိုးစု တန်းတူရေးနှင့် ပြည်သူအားလုံး၏ အခွင့်အရေးများ ကာကွယ်ပေးခြင်း၊ နှင့်  ပြည်သူလူထု၏ ဆန္ဒနှင့်အညီ ဖွဲ့စည်းပုံအခြေခံဥပဒေဆိုင်ရာ ပြောင်းလဲမှုများ အကောင်အထည်ဖော်နိုင်ရန်အတွက် လမ်းပြမြေပုံ ဖော်ဆောင်နိုင်ရေး မြန်မာနိုင်ငံအား ကူညီပံ့ပိုးပေးရန်။

ထို့အပြင် ကုလသမဂ္ဂလုံခြုံရေးကောင်စီနှင့် ကုလသမဂ္ဂအဖွဲ့ဝင်နိုင်ငံများအနေဖြင့် မြန်မာစစ်အာဏာရှင်မှ အောက်ပါအချက်များ လုပ်ဆောင်ရေး တိုက်တွန်းရန် မိမိတို့မှ တောင်းဆိုလိုက်သည်။

  • မတရား ဖမ်းဆီးထိန်းသိမ်းထားသူအားလုံးကို ချွင်းချက်မရှိ ချက်ချင်း ပြန်လွှတ်ပေးရန်၊
  • အကြမ်းဖက်မှုများ၊ ဥပဒေနှင့်မညီသော ရေအမြောက်များ၊ ဆန္ဒပြသူများအား ကျည်အစစ်များ အသုံးပြု၍ ပစ်ခတ်ခြင်းမှ ချက်ချင်း ရှောင်ကျဉ်ရန်၊ နှင့် ဥပဒေမဲ့ဖမ်းဆီးခြင်းနှင့် အဓမ္မပျောက်ဆုံးစေမှု လုပ်ရပ်များအားလုံး ရပ်တန့်ရန်၊
  • အများပြည်သူနှင့် ဆန္ဒပြသူများမှ အင်တာနက်ကို အကန့်အသတ်မရှိ အသုံးပြုနိုင်ခွင့် အာမခံရန်နှင့် လူမှုမီဒီယာပလက်ဖောင်းများ၊ VPN နှင့် မီဒီယာဆိုက်များ အသုံးပြုခြင်းအပေါ် ကန့်သတ်မှုအားလုံးကို ရုပ်သိမ်းပေးရန်နှင့် အနာဂတ်တွင် အင်တာနက်အသုံးပြုမှုအပေါ် နောက်ထပ်သော ကန့်သတ်ချုပ်ချယ်မှုများ ပြုလုပ်ခြင်းမှ ရှောင်ရှားရန်အပါအဝင် ပြည်သူများ၏ လွတ်လပ်စွာထုတ်ဖော်ပြောဆိုခွင့်နှင့် ငြိမ်းချမ်းစွာစုဝေးခွင့်ကို လေးစားလိုက်နာရန်၊
  • တိုင်းရင်းသားနှင့် အပစ်ခတ်ရပ်စဲထားသောဒေသများတွင် နိုင်ငံတကာ လူသားချင်းစာနာမှုဆိုင်ရာဥပဒေနှင့် လူ့အခွင့်အရေးဆိုင်ရာဥပဒေ ချိုးဖောက်မှုများအားလုံး ရပ်တန့်ရန်၊ လူသားချင်းစာနာထောက်ထားမှုဆိုင်ရာ အကူအညီများအား ကန့်သတ်တားမြစ်မှုအားလုံးကို ဖယ်ရှားခြင်းနှင့် တိုင်းရင်းသားဒေသများသို့ အကူအညီပေးပို့မှုများတွင် ဝင်ရောက်စွက်ဖက်မှု မရှိစေရေး အာမခံခြင်းများအပါအဝင် အရပ်သားပြည်သူအားလုံးအား ကာကွယ်စောင့်ရှောက်‌မှု သေချာစွာလုပ်ဆောင်ရေး အာမခံရန်၊
  • တိုင်းရင်းသားဒေသများတွင် လက်ရှိလုပ်ဆောင်နေသော စစ်ရေးထိုးစစ်ဆင်မှုများအားလုံးကို ချက်ချင်းရပ်တန့်ရန်။

မိမိတို့၏ တောင်းဆိုချက်များကို အတတ်နိုင်ဆုံး ထည့်သွင်းစဥ်းစားပေးလိမ့်မည်ဟု မျှော်လင့်ပါသည်။

လက်မှတ်ရေးထိုးထားသော အဖွဲ့အစည်းများ

  1. Action Committee for Democracy Development
  2. Ahlin Tagar Rural Development Organization
  3. All Arakan Students’ and Youths’ Congress
  4. Arakan CSO Network
  5. Area Peace and Development Forward
  6. Arr Marn Thit Social Development Organization
  7. Assistance Association for Political Prisoners
  8. Association of Human Rights Defenders and Promoters
  9. AYY Farmers Union
  10. Ayyar Pyo May Women Development Organization
  11. Backpack Health Workers Team
  12. Banmaw Youth Network
  13. Bee House
  14. Burma Human Rights Network
  15. Burma Medical Association
  16. Candle Light Youth Group
  17. Child Prevention Network
  18. Chin Agency
  19. Chin Human Rights Organization
  20. Chin MATA Working Group
  21. Chin Resources Center
  22. Chin Women Development Organization
  23. Civil Health and Development Network
  24. Community Association Development
  25. Community Response Group (COMREG)
  26. Dawei Development Association
  27. Dawn Peace Foundation
  28. Democracy for Ethnic Minorities Organization
  29. Democracy, Peace and Women Organization
  30. Doe Myae Civil Social Development Organization
  31. Equality Myanmar
  32. European Karen Network
  33. Farmer Agricultural Network
  34. Farmers and Land Rights Action Group
  35. Farmers Development and Environmental Watch Group
  36. Free Education Service Organization
  37. Freedom and Labor Action Group
  38. Future Light Social Development Organization
  39. Future Star Youth Organization
  40. Future Women Association
  41. Generation Wave
  42. Golden Future Social Development Organization
  43. Golden Heart Organization
  44. Helping Hands (Local Development Organization)
  45. Hkumzup Development Committee
  46. Hope for Children Development Organization
  47. Htoi Gender and Development Foundation
  48. Htum Thit Sa Rural Development Organization
  49. Human Rights Foundation of Monland
  50. IFI Watch Myanmar
  51. International Karen Organisation
  52. Justice Movement for Community (Innlay)
  53. Justice Society
  54. Kachin National Youth Network
  55. Kachin Peace Network
  56. Kachin State Women Network
  57. Kachin Women’s Association Thailand
  58. Kachin Women’s Union
  59. Kachin Youth Network
  60. Kachin Youth Organization
  61. Kan Chay Arr Man Fishery Development Organization
  62. Kanpetlet Land Development Organization
  63. Karen Community in Norway
  64. Karen Environmental and Social Action Network
  65. Karen Grassroot Women Network
  66. Karen Human Rights Group
  67. Karen Organization for Relief and Development
  68. Karen Organization of America
  69. Karen Peace Support Network
  70. Karen Refugee Committee
  71. Karen Rivers Watch
  72. Karen Student Network Group
  73. Karen Swedish Community
  74. Karen Teacher Working Group
  75. Karen Women’s Organization
  76. Karen Youth Network
  77. Karen Youth Rangoon
  78. Karenni Evergreen
  79. Karenni Human Rights Group
  80. Karenni Legal and Human Rights Center
  81. Karenni Mobile Health Committee
  82. Karenni National Women’s Organization
  83. Karenni National Youth Organization
  84. Karenni Refugee Committee
  85. Karenni Social Welfare and Development Center
  86. Kaung Myat Hnalonethar Health Care Organization
  87. Kaung Rwai Social Justice and Development Organization
  88. Kayah Baptist Association – Christian Social Service and Development Department (KBA-CSSDD)
  89. Kayah Earthrights Action Network
  90. K’Cho Land Development Association
  91. Keng Tung Youth
  92. Khumi Affairs Coordination Council
  93. Kong Jor Shan Refugee Camp
  94. LAIN Technical Support Group
  95. Lamyan Farmers Network
  96. LatButta Farmer Union
  97. Legal Aid for Human Rights
  98. Let’s Help Each Other
  99. Light Social Development Organization
  100. Lin Lake Kyal Social Development Organization
  101. Loka Ahlinn (Social Development Organization)
  102. Magway Region Development and Justice Organization (MRDJO)
  103. Maramagri Youth Network
  104. Matu Women Organization
  105. Muditar Organization
  106. Mung Chying Rawt Jat
  107. Myanmar Muslim Youth Association (Kachin State)
  108. Myanmar People Alliance (Shan State)
  109. National Network for Education Reform
  110. NeT Organization
  111. Northern Shan State Women Peace and Security Network
  112. Northern Spectrum Youth Association
  113. Olive Organization
  114. Open Development Foundation
  115. Pan Thi Kyo LGBT Organization
  116. Pa-O Women’s Union
  117. Pa-O Youth Organization
  118. Paung Ku
  119. Paungsee Arr Institute
  120. Paungsee Myittar Organization
  121. Peace World Gender Organization
  122. Phyu Sin Myittar Social Development Organization
  123. Pone Yate Sit Regional Development Organization
  124. Progressive Voice
  125. Rule of Law Watch Group
  126. Rural Social Development Organization
  127. Salween Peace Park
  128. Sarnar Kyi Phyu Social Development Organization
  129. SarPhyu Farmer Network
  130. Saytana Shaesaung Youth Organization
  131. Shan MATA
  132. Shan State-Kachin National Network
  133. Shan Women Development Network
  134. Shwe Nathar Farmar Development Organization
  135. Shwechinthae Social Service Group (ShweBo)
  136. Social Care Volunteer Group
  137. Southern Youth Development Organization
  138. Summer Shelter Library
  139. Swam Su Ti Rural Development Organization
  140. Synergy – Social Harmony Organization
  141. Ta’ang Students and Youth Union
  142. Ta’ang Women’s Organization
  143. Tai Youth Network
  144. Taunggyi Youth Center
  145. Tawwin Thazin Women Group
  146. The Khumi Institute (TKI)
  147. The Seagull:Human Rights, Peace & Development
  148. Thukhuma Khayeethe Team (TKT)
  149. Thwee Community Development Network
  150. Transparency Accountability Network Kachin State
  151. TRIP NET
  152. Waingmaw CSO Network
  153. Waingmaw Women CBO
  154. Women’s Peace Network
  155. Worker Development Organization
  156. Yai Ywal Yar Youth Development Organization
  157. Yatanar Youngyi Social Development Organization
  158. Young Ni Oo Women Social Development Organization
  159. YOUNITY
  160. Zinlum Committee (Tanphaye)
  161. ခြေလှမ်းသစ်လူမှုဖွံ့ဖြိုးရေး
  162. ညီမော်ဒူ
  163. တို့တောင်သူလယ်သမားအသင်း
  164. ပညာပါရမီစာကြည့်တိုက်
  165. ဒို့မြေကွန်ရက်
  166. ပွင့်ဖြူလယ်မြေကွန်ရက်
  167. မကွေးတိုင်းဒေသကြီးလူငယ်ကွန်ရက်အဖွဲ့ပညာပါရမီ ကုသိုလ်ပြုအဖွဲ့
  168. မကွေးဒေသဖွံ့ဖြိုးတိုးတက်ရေးစင်တာ
  169. မဇ္ဇျိမနှလုံးသားလူငယ်အဖွဲ့
  170. မြေလတ်မျိုးဆက်အင်စတီကျု
  171. မိတ္ထီလာခရိုင် အလင်းတန်းအဖွဲ့
  172. ရွှေခြင်္သေ့တောင်သူကွန်ရက်
  173. ရွှေခြင်္သေ့တောင်သူကွန်ရက်(ရွှေဘိုခရိုင်)
  174. ရွှေတြိဂံတောင်သူလယ်သမားအဖွဲ့
  175. ရွှေတောင်တိုက်နယ်တောင်သူ့အားမာန် ဝမ်းတွင်းမြို့နယ်အဖွဲ့
  176. ဝိုင်းမော်မြို့နယ်လုံးဆိုင်ရာ သျှမ်းလူငယ်များစည်းလုံးညီညွတ်ရေးအဖွဲ့
  177. ပန်းပျိုးလက် ဗန်းမော်လူမှုရေးအဖွဲ့

အိတ်ဖွင့်ပေးစာကို PDF ဖိုင်ဖြင့် ရယူရန်

မြန်မာဘာသာအင်္ဂလိပ်ဘာသာ

Send this to a friend