PV in the News
692 Views
အစိုးရအနေဖြင့် အလုပ်သမားအခွင့်အရေး ကာကွယ်ရန် အလုပ်သမားဥပဒေနှင့် မူဝါဒပြင်ဆင်ရေးဆွဲရန် လိုအပ်ဟုဆို
December 1st, 2016 •
Author:
စိုင်းဟန် /The Ladies News
•
1 minute read
NLD ဦးဆောင်သည့် အစိုးရသည့်အနေဖြင့် အလုပ်သမား အခွင့်အရေးများကို ကာကွယ်စောင့်ရှောက်နိုင်ရန် အလုပ်သမား ဥပဒေများနှင့် မူဝါဒများကို ပြင်ဆင်ရေးဆွဲရန် အပ်ကြောင်း အလုပ်သမားအရေး ဆောင်ရွက်သူများက ဆိုသည်။
အဆိုပါကိစ္စနှင့် ပတ်သက်ပြီး ဒီဇင်ဘာ ၁ ရက်နေ့က ရှေ့ပြေးအ သံအဖွဲ့၏ ထုတ်ပြန်ချက်အစီရင်ခံစာတွင် အလုပ်သမား ဥပဒေများကို ပြင်ဆင်ကာ အလုပ်သမား အခွင့်အရေးများ အထူးသဖြင့် အထည်ချုပ်လုပ်ငန်းရှိ အလုပ်သမားများ၏ အခွင့်အရေးများကို ပိုမိုထိရောက်စွာ ကာကွယ်စောင့်ရှောက် အားပေး မြှင့်တင်ပေးနိုင်မည့် မူဝါဒများ ပြဋ္ဌာန်းရန် လိုအပ်သည်ကြောင်း ဆိုထားသည်။
အထည်ချုပ်လုပ်ငန်းရှိ အလုပ်သမားများသည် ယေဘုယျအားဖြင့် တစ်ပတ်လျှင် ခြောက်ရက် အလုပ်ချိန်ရှည်ကြာစွာ လုပ်ရခြင်း၊ စက်ရုံပိုင်ရှင်များနှင့် မန်နေဂျာတို့ထံမှ တောက်လျှောက် ဖိအားပေး အနိုင်ကျင့် ခြိမ်းခြောက်ခံနေရကြောင်း ဆိုထားသည်။ နားရက်ယူသည့်အတွက် အချိုးအစားမမျှသည့် လစာဖြတ်တောက်မှုများ ရင်ဆိုင်နေရပြီး ကျန်းမာရေး စောင့်ရှောက်မှုနှင့် သန့်ရှင်းရေး အဆောက်အအုံ တန်ဆာပလာများ မလုံလောက်ခြင်းတို့ ဖြစ်နေကြောင်း အလုပ်သမားများမှာ အခက်အခဲနှင့် ရင်ဆိုင်နေရကြောင်း အစီရင်ခံစာထဲတွင် ဖော်ပြထားသည်။
အလုပ်သမား အခွင့်အရေး လှုပ်ရှားသူများအဖွဲ့မှ ကိုသူရိန်အောင်က “အနည်းဆုံး အခကြေးငွေ မူဝါဒကျင့်သုံးတာက အလုပ်သမား လှုပ်ရှားမှုတွေရဲ့ အောင်မြင်မှု တစ်ခုဖြစ်ပေမယ့် အလုပ်သမား အများအပြားအတွက်တော့ လုပ်ငန်းခွင် အခြေအနေတွေ ဆုတ်ယုတ်ကုန်တယ်။ ဘာလို့လဲဆိုတော့ သူတို့က ပိုမြင့်လာတဲ့ ကုန်ထုတ်လုပ်ရေး ရည်မှန်းချက်တွေ ပြည့်အောင် အခိုင်းခံရပြီး ဖိအားဒဏ်ခံရတာတွေ ပိုများလာတယ်။ အလုပ်ရှင်တွေကဖိအားပေးတာ ပြင်းသထက် ပြင်းလာတယ်”ဟု သတင်းထုတ်ပြန်ချက်ထဲတွင် ဖော်ပြထားသည်။
အစီရင်ခံစာတွင် အလုပ်သမားသမဂ္ဂများ လွတ်လပ်စွာ ပါဝင်ခွင့်နှင့် လွတ်လပ်စွာ သမဂ္ဂတည်ထောင်ခွင့်ကို ကန့်သတ်သည့် အလုပ်သမားဥပဒေ၏ ချို့ယွင်းချက်များကို ထောက်ပြထားသည်။
အလုပ်သမား အချင်းချင်း ရိုင်းပင်းကူညီရေးအဖွဲ့မှ ညွှန်ကြားရေးမှူးဖြစ်သူ ကိုပြည်ပိုင်ကိုကို (ခ) ကိုသစ်က “စက်ရုံပိုင်ရှင်တွေ အတွက် ခုံသမာဓိကောင်စီရဲ့ ဆုံးဖြတ်ချက်တွေကို မလိုက်နာဘဲ ဥပေက္ခာပြုဖို့ သိပ်လွယ်တယ်။ ဒီတော့ တကယ်လို့ စက်ရုံပိုင်ရှင် တစ်ယောက်က အလုပ်သမားတွေကို သမဂ္ဂထဲပါလို့ အလုပ်ထုတ်ရင်၊ ခုံသမာဓိကောင်စီ ကလည်း အဲဒီအလုပ်သမားတွေကို ပြန်ခန့်ဖို့ စက်ရုံပိုင်ရှင်ကို အမိန့်ချရင် စက်ရုံပိုင်ရှင်က ဒဏ်ငွေ နည်းနည်းလောက် ဆောင်ပြီး ခုံသမာဓိကောင်စီ ဆုံးဖြတ်ချက်ကို ဂရုမစိုက်ဘဲနေလိုက်ဖို့က ပိုလွယ်နေတယ်” ဟု ပြောသည်။
မြန်မာ့အထည်ချုပ် လုပ်ငန်းမှ အလုပ်သမား ၉၀% ကျော်မှာ အမျိုးသမီးများ ဖြစ်နေသဖြင့် အမျိုးသမီး အခွင့်အရေးများကို ပိုမိုကောင်းမွန်စွာ ကာကွယ် စောင့်ရှောက်ပေးရေး အာမခံပေးရန်လည်း အထူးလိုအပ်ကြောင်း ဆိုသည်။
မြန်မာ အမျိုးသမီးသမဂ္ဂ၏ ကွန်ရက်နှင့် မဟာမိတ် တည်ဆောက်ခြင်း လုပ်ငန်းစဉ် တာဝန်ခံဖြစ်သူ မသွယ်ဇင်တိုးက “မီးဖွားခွင့်ကို ဥပဒေမှာ ပြဋ္ဌာန်းပေးထား ပေမယ့်လည်း အမျိုးသမီးတွေဟာ မီးဖွားခွင့် မယူနိုင်ကြဘူး။ ဒါတင်မက အမျိုးသမီး အလုပ်သမား အများစုအတွက် အိုဗာတိုင် အခိုင်းခံရတဲ့အခါ လုံခြုံမှုမရှိတဲ့ နေရာတွေကို ဖြတ်ပြီး နောက်ကျမှ အိမ်ပြန်ရတာ ခဏခဏဖြစ်နေတော့ သူတို့အတွက် လိင်ပိုင်းဆိုင်ရာ နှောင့်ယှက်ခံရဖို့၊ အကြမ်းဖက်ခံရဖို့ လွယ်နေတယ်” ဟု ပြောသည်။
သုတေသန အစီရင်ခံစာက အထည်ချုပ်လုပ်ငန်း အလားအလာများကို ဆန်းစစ်သုံးသပ်သည့်အခါ အလွန်တရာ အရေးကြီးလှသော ဖွဲ့စည်းမှုပိုင်းဆိုင်ရာ ဖိအားများရှိပြီး ကမ္ဘာ့စီးပွားရေး ဈေးကွက်အတွင်းသို့ ပေါင်းစည်း ဝင်ရောက်မှုအရ စက်ရုံများသည် ယှဉ်ပြိုင်နိုင်ရန် ရုန်းကန်နေရသည့် အခြေအနေတွင်ရှိသည်။
အစီရင်ခံစာတွင် မြန်မာအစိုးရ၊ စက်ရုံအလုပ်သမားများ၊ ၀ယ်လက်များနှင့် ပုဂ္ဂလိက ရင်းနှီးမြှုပ်နှံသူများ၊ အလုပ်သမား သမဂ္ဂများနှင့် အလုပ်သမား အခွင့်အရေး လုပ်ဆောင်သည့် အဖွဲ့အစည်းများ၊ ခုံသမာဓိအဖွဲ့များနှင့် ILO အပါအဝင် စက်မှုလုပ်ငန်းတွင် အဓိက သက်ဆိုင်သူများသို့ အကြံပြု တိုက်တွန်းချက်များ ပေးအပ်ထားကြောင်း သိရသည်။
View this original article HERE.
Progressive Voice is a participatory rights-based policy research and advocacy organization rooted in civil society, that maintains strong networks and relationships with grassroots organizations and community-based organizations throughout Myanmar. It acts as a bridge to the international community and international policymakers by amplifying voices from the ground, and advocating for a rights-based policy narrative.